ލޭ ބޭނުންވާ ފަރާތްތަކަށް މިހާރަށް ވުރެ ފަސޭހައިން އައްޑޫން ލޭ ލިބޭނެ ގޮތެއް ހަމަޖައްސައި ދިނުމުގެ ގޮތުން ވަރަށް އަވަހަށް ބްލަޑް ބޭންކެއް ގާއިމު ކުރަން ނިންމާފައިވާ ކަމަށް ހެލްތު މިނިސްޓްރީީން ބުނެފި އެވެ.
ހެލްތު މިނިސްޓަރު ޑރ. އަހުމަދު ޖަމްޝީދު "ޓީވީއެމް" އާ ވާހަކަ ދައްކަވަމުން ވިދާޅުވީ އައްޑޫގައި ބްލަޑް ބޭންކް ސާވިސްގެ ހިދުމަތް ފެށުމަށް ވާމް ޖެހޭ ތައްޔާރީތައް މިހާރު ވަމުން އަންނަ ކަމަށެވެ. އެގޮތުން އެކަމަށް ބޭނުންވާ ސާމާނު ހޯދުމަށް ޑަބްލިއުއެޗްއޯ އަށް ހުށަހަޅާފައިވާ ކަމަށް ވެސް މިނިސްޓަރު ވިދާޅުވި އެވެ.
އެހެން ނަމަވެސް ބްލަޑް ބޭންކެއްގެ ހިދުމަތް އައްޑޫން ލިބެން ފަށާނީ ކިހާ ތާކު ކަމެއް ޑރ. ޖަމްޝީދު ވިދާޅެެއް ނުވެ އެވެ.
އައްޑޫގެ އިތުރުން ހދ. ކުޅުދުއްފުށީގައި ވެސް ބްލަޑް ބޭންކެއް ގާއިމު ކުރަން ވަނީ ނިންމާފަ އެވެ.