ރައީސް އަބްދުﷲ ޔާމީނާއި އެމަނިކުފާނުގެ ކެބިނެޓުގައި ހިމެނިވަޑައިގަންނަވާ ވަޒީރުންގެ އިސްތަށިފުޅުގައި އިލްޒާމުތައް އަޅުވައިގެން ކޯޓުތަކަށް ދިޔައަސް ކުރެވޭނެ އެއް ކަމެއް ވެސް ނޯންނާނެ ކަމަށް ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ ވިދާޅުވެއްޖެއެވެ.
އަދުރޭ މިހެން ވިދާޅުވީ، ކޯޓު މެދުވެރިކޮށް ޕީޕީއެމްގެ ހިންގުމުގެ ބާރުތައް އަތުލާފައިވާ ރައީސް ޔާމީން ފެކްޝަނުގެ ފަރާތުން މަދު ބަޔަކާއި އެކު ރޭ މާލޭގައި ބޭއްވި މުޒާހަރާގައި ވާހަކަ ދައްކަވަމުންނެވެ.
އަދުރޭ ވިދާޅުވި ގޮތުގައި، ޕީޕީއެމްގެ ރައީސް ޔާމީން ފެކްޝަނުގައި މިވަގުތު އޮތީ ފަހަތަށް ޖެއްސޭނެ ލީޑާޝިޕެއް ނޫން ކަމަށެވެ. އަދި ރިޔާސީ އިންތިހާބު ބާތިލްކުރުމަށް ރައީސް ޔާމީންގެ ފަރާތްޕުޅުން ސުޕްރީމް ކޯޓަށް ހުށަހެޅުއްވި މައްސަލަ ޕީޕީއެމުން ކާމިޔާބު ކުރާނެ ކަމަށް ވެސް އަދުރޭ ވަނީ ވިދާޅުވެފައެވެ.
އެގޮތުން އަދުރޭ ވިދާޅުވީ، "އިންތިހާބުގެ މައްސަލަ އެ ޕާޓީން ކާމިޔާބުކޮށް، އިންސާފުވެރި އިންތިހާބެއް ހޯއްދަވައިދެއްވާނެ" ކަމަށެވެ.
"ރައީސާއި ވަޒީރުންގެ ބޮލުގައި އިލްޒާމްތައް އަޅުވައިގެން ކޯޓަށް ދިޔައަސް ކުރެވޭނެ އެއް ކަމެއް ވެސް ނޯންނާނެ،" އަދުރޭ ވިދާޅުވިއެވެ.