ޑިމޮކްރާސީގެ ފުރަތަމަ ތަނބަކީ ވޯޓުން ވެރިއަކު ހޮވުން ކަމަށާއި، އެތަނބު ވައްޓާލައިފި ނަމަ މުޅި ނިޒާމް ކޮށިއަރާނެ ކަމަށް ޖުމްހޫރީ ޕާޓީގެ ނައިބު ލީޑަރު އަމީން އިބްރާހިމް ވިދާޅުވެއްޖެއެވެ.
ރިޔާސީ އިންތިޚާބު ބާތިލް ކުރުމަށް ރައީސް ޔާމީން ސުޕްރީމް ކޯޓަށް ހުށަހަޅާފައި ވާތީ އެކަމާ ކަންބޮޑުވުންފާޅު ކުރައްވާ ކުރެއްވި ޓްވީޓެއްގައި އަމީން ވިދާޅުވީ ބާރެއް އޮތަސް އެވަރުގެ ކަމެއް އެއްވެސް ބަޔަކު ކުރުމަކީ މުޅި ނިޒާމެއް ދެވޭ އިޔާދަ ނުކުރެވޭވަރުގެ ބޮޑު ގެއްލުމެއް ކަމަށެވެ.
Democracygai rayyithunge votun veriyaku hovumakee nizaamuge furathama thanbu. Rayyithunge ninmumaa dhekolhah, e thanbu vattaalaifinama mulhi nizaam koshi araane. Baareh othas, evaruge kameh evves bayaku kurumakee mulhi nizaamah dhevey iaadha nukureveyvaruge bodu gellumeh.
— Ameen Ibrahim (@ameenmaldives) October 15, 2018
އިތުރު ޓްވީޓެއްގައި އަމީން ވިދާޅުވީ ރައްޔިތުން މަގުމައްޗަށް ނެރެ ލޭ ހޫނުކޮށް ގަޔަށް އަތްލުވާ ހަލަބޮލި ކުރުމަށްފަހު ސްޓޭޓް އޮފް އިމަޖެންސީ ގެންނަން އުޅުއްވާނެކަމެއް ނެތް ކަމަށެވެ.
Rayyithun magumachchah nere ley hoonukoh gayah aiyluvaa halanboli kuruvumaffahu SOE gennah ulhuvvaanekameh neiy. Salaamathee baaruthah thibee RYge e amuru thanfeezkohdhey gothakah noon. Ehen molhu gotheh hoadhdhavaa! pic.twitter.com/N3BMIv3dQA
— Ameen Ibrahim (@ameenmaldives) October 15, 2018
ސަލާމަތީ ބާރުތައް ތިބީ ރައީސް ޔާމީންގެ އަމުރު ތަންފީޒް ކޮށްދޭ ގޮތަކަށް ނޫން ކަމަށް އަމީން ވިދާޅުވިއެވެ. އިތުރަށް އަމީން ވަނީ އެހެން މޮޅު ގޮތެއް ހޯއްދެވުމަށް ރައީސް ޔާމީނަށް ގޮވާލައްވާފައެވެ.
ސަލާމަތީ ބާރުތައް ތިބީ ރައީސް ޔާމީންގެ އަމުރު ތަންފީޒުކޮށްދޭ ގޮތަށް ނޫން ކަން ފާހަގަކުރައްވައި އަމީން ވިދާޅުވީ ރައްޔިތުން މަގުމައްޗަށް ނެރެ ލޭ ހޫނުކޮށް ގަޔަށް އަތްލުވާ ހަލަބޮލި ކުރުމަށް ފަހު އެސްއޯއީ ހިންގަން އުޅޭނެ ކަމެއް ނެތް ކަމަށެވެ. އަދި އެހެން މޮޅު ގޮތެއް ހޯދުމަށް ވެސް އަމީން ވަނީ ގޮވާލައްވާފައެވެ.
ރިޔާސީ އިންތިޚާބު ބާތިލު ކުރުމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ސުޕްރީމް ކޯޓަށް ހުށަހަޅުއްވާފައިވާ ދުސްތޫރީ މައްސަލައިގެ އަޑުއެހުންތައް މިހާރު ވަނީ ފަށާފައެވެ.
ރިޔާސީ އިންތިޚާބުގައި ކޯލިޝަންގެ އިންތިޚާބީ ރައީސް އިބްރާހިމް މުހައްމަދު ސޯލިހު 58.4 އިންސައްތަ އާއެކު ވަނީ ކާމިޔާބު ކުރައްވާފައެވެ. ރައީސް ޔާމީނަށް 41.6 އިންސައްތައާ އެކު ބޮޑު ނާކާމިޔާބީއާ ކުރިމަތިވެ ވަޑައިގަތުމުން އިންތިޚާބު އޮޅުވާލާފައިވާ ކަމަށް އެމަނިކުފާނާއި، އެމަނިކުފާނަށް ތާއީދު ކުރާ މަދު މީސް ބަޔަކު ދަނީ ތުހުމަތު ކުރަމުންނެވެ.