ރިޔާސި އިންތިޚާބު ބާތިލުކުރަން، އިންތިޚާބުން ނާކާމިޔާބުވެވަޑައިގެންނެވި ރައީސް އަބްދުﷲ ޔާމީން ހުށަހަޅުއްވާފައިވާ މައްސަލައިގެ ފަހު އަޑުއެހުމަށް ވަނުމަށް ސުޕްރީމް ކޯޓު ސަރަހައްދުގައި ހަދާފައިވާ ކިޔޫގައި ރެއިން ފެށިގެން މީހަކު ބަހައްޓައިގެން ހެނދުނު ކިޔޫއަށް އެރުމުން ނަމްބަރު އިރާލާ ގަޔަށް އަރައިގަނެ، އޭނާއަށް ހަމަލާދީފި ކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް ވިދާޅުވެއްޖެއެވެ.
މަހްލޫފް ކިޔޫއަށް ވަންނަން ދިޔުމުން ޕީޕީއެމްގެ ސަޕޯޓަރުން އޭނާއާއި ދިމާކޮށް މުޅި ސަރަހައްދު ވަނީ ހަލަބޮލިކޮށްލާފައެވެ.
Reyinn feshigen queue ga meehaku bahattaigen alhugandu hendhunu queue ah erumun number iralaa,gayah araigane alhugandah hamalaadheefi. PPM ge meehunves aduehumah vanee egothah number badhalukohgen.
Gadhabaarun queue inn beyrukurias gadhabaarun verikamuga nuhureveyne. pic.twitter.com/2DFKnyS9gH
— Ahmed Mahloof (@AhmedMahloof) October 16, 2018
މިކަމާއި ގުޅިގެން މަހްލޫފް ކުރެއްވި ޓްވީޓެއްގައި ވަނީ ގަދަބާރުން ކިޔޫއިން ބޭރުކުރިޔަސް ގަދަބާރުން ވެރިކަމުގަ ނުހުރެވޭނެ ކަމަށެވެ.
މިއަދުގެ އަޑުއެހުމަށް ޕީޕީއެމްގެ ސަޕޯޓަރުން އިއްޔެ ހަވީރުން ފެށިގެން ވަނީ ކިޔޫ ހަދައިފަ އެވެ. ކިޔޫ ހަދާފައިވާ މީހުން އަމިއްލަ އަށް ޕްރިންޓްކޮށްގެން ނަންބަރުތަކެއް ގެންގުޅެ އެވެ.
ޝަރީއަތް އަޑުއެހުމަށް ވަނުމުގެ ފުރުސަތު ދެނީ އާންމުންގެ ގާތްގަނޑަކަށް 25 މީހުންނަށެވެ.
މިއަދު 10:00 ގައި ބާއްވާ އަޑުއެހުމުގައި އިންތިޚާބު ބާތިލުކުރަން ރައީސް ޔާމީންގެ ފަރާތްޕުޅުން ސިއްރު ހެކި ހުށަހެޅުމަށް ފުރުސަތު ދިނުމާމެދު ގޮތެއް ނިންމާނެ އެވެ.
ސުޕްރީމް ކޯޓް ސަރަހައްދުގައި އެސްއޯ ފުލުހުން ދަނީ ހަރަކާތްތެރި ވަމުންނެވެ.