މިއަދު ސުޕްރީމް ކޯޓުގައި އޮންނަ އަޑުއެހުމަށް ރައީސް ޔާމީން ވަޑައިގަންނަވާނެ ކަމަށް ބެލެވޭ ކަމަށާއި އެހެން ކަމުން ފަނޑިޔާރުންނަށް ބިރުދައްކަން ރައިސް ޔާމީނަށް ފުރުސަތު ނުދިނުމަށް ގުޅިފައިވާ ޕާޓީތަކުގެ ލީޑަރުން ވެސް މިއަދު ކޯޓަށް ވަޑައިގަންނަވަންޖެހޭ ކަމަށް މައްޗަށްގޯޅި އުތުރު ދާއިރާގެ މެމްބަރު އަބްދުﷲ ސިނާނު ވިދާޅުވެއްޖެއެވެ.
ސިނާން ކުރެއްވި ޓްވީޓްގައި ވިދާޅުވެފައިވަނީ ޝަރީއަތުގެ މަޖިލީހަށް އިބްރާހީމް މުހައްމަދު ސޯލިހާއި މައުމޫން އަބްދުލްޤައްޔޫމް އަދި ގާސިމް އިބްރާހީމް ވެސް ވަޑައިގަންނަވަންވީ ކަމަށެވެ.
Miadu SC ga ona adu ehumah R.Yameen vadai gan navane kamah vanee. Ehen kamun gulhifaivaa Party thakuge leaderun mi adhu ge shariyathuge majlihah vanumaky muhimu kameh. Ibu, Maumoon, Gasim ves vadai gan navan vee. Fandiyaa run nah birdah kan RYameen ah furusathu dhi gen nuvane.
— Abdulla Sinan (@ablosinan) October 16, 2018
މިއަދު އަޑުއެހުމަކީ ވަރަށް ގިނަ ބަޔަކު އޭގެ އިންތިޒާރުގައި ތިބި އަޑުއެހުމެކެވެ. ދިވެހި ރައްޔިތުންނާއި ގުޅިފައިވާ މި މައްސަލައިގެ ނިންމުން ސުޕްރީމް ކޯޓުން ގެންނަވާނެ ގޮތެއް ބެލުމަށް ރައްޔިތުން ވަނީ ކެތްމަދުވެފައެވެ.
މިއަދު 10:00 ގައި ބާއްވާ އަޑުއެހުމުގައި އިންތިޚާބު ބާތިލުކުރަން ރައީސް ޔާމީންގެ ފަރާތްޕުޅުން ސިއްރު ހެކި ހުށަހެޅުމަށް ފުރުސަތު ދިނުމާމެދު ގޮތެއް ނިންމާނެ އެވެ.
ޝަރީއަތް އަޑުއެހުމަށް ވަނުމުގެ ފުރުސަތު ދެނީ އާންމުންގެ ގާތްގަނޑަކަށް 25 މީހުންނަށެވެ.
މިއަދުގެ އަޑުއެހުމަށް ޕީޕީއެމްގެ ސަޕޯޓަރުން އިއްޔެ ހަވީރުން ފެށިގެން ވަނީ ކިޔޫ ހަދައިފަ އެވެ. ކިޔޫ ހަދާފައިވާ މީހުން އަމިއްލަ އަށް ޕްރިންޓްކޮށްގެން ނަންބަރުތަކެއް ގެންގުޅެ އެވެ.