ރިޔާސީ އިންތިހާބު ބާތިލު ކުރުމަށް ރައީސް ޔާމީނުގެ ފަރާތުން ހުށަހަޅުއްވާފައިވާ މައްސަލައިގެ ފަހު އަޑުއެހުމުގައި ސިއްރު ހެކިންގެ ހެކިބަސް ނަގަން ނުޖެހޭ ކަމަށް ސުޕްރީމް ކޯޓުން ނިންމަވައިފިއެވެ.
މިއަދު ހެނދުނު 10:00ގައި ފެށުނު މި އަޑުއެހުންތައް މެންދުރު މިވަނީ ނިންމާލާފައެވެ.
ރައްޔިތުންގެ ނިންމުމާއި އެއްގޮތަށް ސުޕްރީމް ކޯޓުން ހުކުމް ކުރެވިގެންދާނެ ކަމަށް ގިނަ ބަޔަކު ދަނީ އުއްމީދު ކުރަމުންނެވެ. އެއްވެސް ހާލެއްގައި ރިޔާސީ އިންތިޚާބުގައި ނެގި ވޯޓަކީ ބާތިލްކުރެވޭނެ އެއްވެސް ޖާގައެއް އޮތް ވޯޓެއް ނޫންކަމަށް ރައްޔިތުން ގަބޫލު ކުރެއެވެ.
މި މައްސަލައިގެ ހުކުމް އިއްވާނެ ދުވަހެއް މިއަދު ކޯޓުން އިއުލާން ކުރައްވާފައެއް ނުވެއެވެ.