ދިވެހިރާއްޖޭގެ ވެރިކަމުގައި ހުންނެވި އިރު އަބަދުވެސް މަސައްކަތް ޤައުމީ ސަލާމަތަށް އެންމެ ބޮޑު އިސްކަމެއް ދެއްވައިގެން ރައީސް އަބްދުﷲ ޔާމީން ވިދާޅުވެއްޖެއެވެ.
މިއަދު ހެނދުނު ރައީސް އޮފީހުގައި ނޫސްވެރިންނާއި ވާހަކަ ދައްކަވަމުން ރައީސް ޔާމީން މިހެން ވިދާޅުވި އިރު އެމަނިކުފާނުގެ ވާހަކަފުޅުގައި މުޅިން ވެސް ދެއްކެވީ "ޤައުމީ ސަލާމަތަށް ނުރައްކާ" ވާ ވާހަކައެވެ.
އެހެން ނަމަވެސް އެއްވެސް ވަރަކަށް ޤައުމީ ސަލާމަތަށް ކުރިމަތިވެފައިވާ ނުރައްކާތަކާއި ބެހޭ ތަފްސީލެއް އެމަނިކުފާނު ނުދެއްވައެވެ.
އެހެން ނަމަވެސް އެމަނިކުފާނު ވިދާޅުވި ގޮތުގައި، ހުރިހާ ދިމާލަކުން ފެނިގެންދަނީ ގައުމީ މަސްލަހަތު ހަވާސާގައި ބާއްވައިގެން އަމިއްލަ އެދުން އިސްކުރާ މަންޒަރު ކަމަށެވެ. ބެލެވޭ ގޮތުގައި ނުސީދާ ގޮތެއްގައި ރައީސް ޔާމީންގެ ވާހަކަތައް އަމާޒުކުރެއްވި އީޔޫ އާއި އެމެރިކާއިން ސަރުކާރަށް ކުރިމަތިކުރުވާ ޕްރެޝަރަށެވެ.