ރިޔާސީ އިންތިޚާބު ބާތިލް ކުރުމަށް ރައީސް އަބްދުﷲ ޔާމީންގެ ފަރާތްޕުޅުން ސުޕްރީމް ކޯޓަށް ހުށަހެޅުއްވި މައްސަލައިގެ ހުކުމް އިއްވުން މިއަދު މެންދުރު 1:00 އަށް އެ ކޯޓުގައި ތާވަލްކޮށްފި އެވެ.
ސުޕްރީމް ކޯޓަށް ހުށަހެޅުއްވި މައްސަލައިގެ އަޑުއެހުންތައް މިދިޔަ ހަފްތާގައި ވަނީ ނިންމާލާފައެވެ. 23 ސެޕްޓެމްބަރުގައި ރައްޔިތުން ލީ ވޯޓު ސްޕްރީމް ކޯޓުން ބާޠިލްކޮށްފާނެތޯ ރައްޔިތުން ދަނީ ސުވާލު އުފައްދަމުންނެވެ.
މި މައްސަލައިގެ ނިންމާލުމަށްފަހު މައްސަލައިގެ ހުކުމަކަށް ދިވެހިރައްޔިތުން ދިޔައީ އިންތިޒާރު ކުރަމުންނެވެ. އިންތިޚާބު ބާތިލް ކުރަންޖެހޭ އެއްވެސް ސަބަބެއް ނެތްކަމަށް ވަރަށް ގިނަ ފަރާތްތަކުން ދަނީ ބުނަމުންނެވެ. ސަރުކާރު ހިމެނޭ ޕާޓީ ކަމަށްވާ ޕީޕީއެމުން ދައްކަވަނީ ސާބިތު ނުހިފޭ ވާހަކަތައް ކަމަށް ވެސް އެ ފަރާތްތަކުން ދަނީ ބުނަމުންނެވެ.