ރައްޔިތުންގެ މަޖިލީހުގައި ކުރާނެ ކަމެއް ނެތީ ސަރުކާރުގެ މުއައްސަސާއެއް ގޮތަށް އެތަން ހިންގަމުން ގެންދާތީ ކަމަށް ވިދާޅުވެ ކިނބިދޫ ދާއިރާގެ މެމްބަރު އަބްދުﷲ ރިޔާޒު ނިހާނަށް ރައްދު ދެއްވައިފިއެވެ.
ރިޔާޒް މިހެން ވިދާޅުވީ ޕީޕީއެމްގެ ޕާލަމެންޓަރީ ގުރޫޕު ލީޑަރު އަހްމަދު ނިހާނު ރައްޔިތުންގެ މަޖިލީހުގެ ޖަލްސާއެއް ނުބާއްވަނީ އެޖެންޑާ ކުރާނެ ކަމެއް ނެތުމުން ކަމަށް ވިދާޅުވުމުން އެއަށް ރައްދު ދެއްވާ ކުރެއްވި ޓްވީޓެއްގައެވެ.
QA 70 vana maahdhaage SH ge 3 vana number vidhaalhuve ballava @ahmed_nihan ! Hamanetheethoa kuraane kameh? Verikan hingumuge baaru javaabudhaaree kuruvumah majlihah kurevunee konkamehthoa? Sarukaaruge muassasaaehge gothuga majlis hingaatheeve agenda kuraane kamehnethee! https://t.co/ncByFZmW9A
— Abdulla Riyaz MP (@riyazabdulla) October 21, 2018
ރިޔާޒްގެ އެޓްވީޓެއްގައި ވެރިކަން ހިންގުމުގެ ބާރު ޖަވާބުދާރީ ކުރުވުމަށް މަޖިލީހަށް ކުރެވުނީ ކޮންކަމެއް ތޯ ނިހާން ކައިރީ އަހާފައިވެއެވެ. އަދި އެޖެންޑާގައި ކުރާނެ ކަމެއް ނެތީ ސަރުކާރުގެ މުއައްސަސާއެއްގެ ގޮތުގައި މަޖިލީސް ހިންގާތީ ކަމަށް ރިޔާޒް ވަނީ ފާހަގަ ކުރައްވާފައެވެ.
މަޖިލީހުގެ ޖަލްސާތައް ނުބާއްވާތާ ވަނީ ދެމަސް ވެފައެވެ. ރިޔާޒް ވިދާޅުވީ ޤާނޫނު އަސާސީގެ 70 ވަނަ މާއްދާގެ ށ. ގެ ތިން ވަނަ ނުކުތާ ކިޔާލެއްވި ކަމުގައި ވާނަމަ ކުރާނެ ކަންކަން އެނގޭނެ ކަމަށެވެ.
ރިޔާޒު ފާހަގަ ކުރެއްވި ނުކުތާގައި ވާގޮތުން މަޖިލީހަށް ލިބިފައިވާ ބާރު ތަކުގެ ތެރެއިން ވެރިކަން ހިންގުމުގެ ބާރުގެ ފަރާތުން ކުރާ ކަންތައްތައް ހިނގާނުހިގާ ގޮތް ބެލުމާއި ވެރިކަން ހިންގުމުގެ ބާރު ޖަވާބު ދާރު ކުރުވުމާއި، އަދި މިކަންކަން ކުރުމަށްޓަކައި ޤާނޫނުގައިވާ ގޮތުގެ މަތީން ފިޔަވަޅުތައް އެޅުން ހިމެނެއެވެ.