ރިޔާސީ އިންތިހާބު ބާތިލްކުރަން ނުޖެހޭ ކަމަށް ސުޕްރީމް ކޯޓުން ހުކުމް ކުރުމާއި ގުޅިގެން ރައްޔިތުންގެ ނިންމުމާއެކު ތިއްބެވި ހުރިހާ ފަރާތްތަކަށް އިލެކްޝަންސް ކޮމިޝަނުގެ ރައީސް އަހްމަދު ޝަރީފް ޝުކުރު ދަންނަވައިފިއެވެ.
ޝަރީފު ކުރެއްވި ޓްވީޓެއްގައި ވަނީ އިލެކްޝަނުގެ ލީގަލް ޓީމުގައި ހިމެނިވަޑައިގެންނެވި ބޭފުޅުން ކުރެއްވި މަސައްކަތް ފާހަގަކޮށް އެޓީމުގެ ބޭފުޅުންނަށް ޝުކުރު ދަންނަވާފައެވެ.
We appreciate the work of EC legal team, well done! Thnx a lot to all staff of EC n to all who stood with the people’s decision
— Ahmed Shareef (@ShareefRangondi) October 21, 2018
ރައީސް އަބްދުﷲ ޔާމީން އެދިވަޑައިގެންނެވި ގޮތަށް އިންތިހާބު ބާތިލު ކުރެވެން ނެތް ކަމަށް ކަނޑައަޅައި ސްޕްރީމް ކޯޓުން ވަނީ ހުކުމްކޮށްފައެވެ. މައްސަލައާއި ގުޅިގެން ރައީސް ޔާމީން ހުށަހަޅުއްވާފައިވާ ކަންކަން ސާބިތުވާ ވަރުގެ ހެކި ނެތް ކަމަށް ވެސް ހުކުމުގައި ބުނެފައިވެއެވެ. އަދި ރައީސް ޔާމީން
އެދިވަޑައިގެންނެވި ފަދައިން އެ މައްސަލަތައް ތަހުގީގު ކުރަން އަންގަން ޖެހޭ ތަނެއް ނެތް ކަމަށް ވެސް ހުކުމްކޮށްފައިވެއެވެ.
މި ހުކުމަށްފަހު ނޫސްވެރިންނާއި ބައްދަލު ކުރައްވާ އީސީގެ މެމްބަރު އިސްމާއީލް ޙަބީބްވެސް ވަނީ ކާމިޔާބުގައި ހިތްތިރި ކުރެއްވުމަށާއި އާންމު މަސްލަހަތު ދެމެހެއްޓުމަށް އިލްތިމާސް ކުރައްވާފައެވެ.