ރައްޔިތުންގެ މަޖިލީހުގެ ރައީސް އަބްދުﷲ މަސީހް މުހައްމަދުގެ އިތުބާރު ނެތްކަމުގެ މައްސަލަ 51 މެމްބަރުންފެ ސޮޔާއި އެކު މަޖިލީހަށް ހުށަހަޅައިފިއެވެ.
މަސީހް މަގާމުން ދުރުކުރުމަށް ހުށަހެޅި ތިންވަނަ މައްސަލާގައި ސޮއިކުރެއްވި 51 މެމްބަރުންގެ ތެރޭގައި، ވެރިކަންކުރާ ޕާޓީ ޕީޕީއެމްގެ ބައެއް މެމްބަރުން ވެސް ސޮއިކުރެއްވި ކަމަށް މައުލޫމާތު ފެތުރިފައިވެއެވެ.
މަޖިލީހުގެ ރައީސްކަމުން މަސީހް އިސްތިއުފާ ދެއްވަން އުޅޭކަމުގެ ޚަބަރުތަކެއް ވެސް ވަނީ ފެތުރިފައެވެ.
އިއްޔެ ހަވީރު 5 ޖެހިއިރު މަޖިލީހުގައި މަޖިލިސް ރައީސް މަސީހް އިންނަވާ ރޫމްގައި ހުރި އެ ބޭފުޅާގެ އަމިއްލަފުޅު ހުރިހާ އެއްޗެއް ނެރެ ސާފުކޮށްފައިވާ ކަމަށާއި މިއަދު މަޖިލިސް މިނިވަންވިކަމުގެ އުފާވެރި ޚަބަރު ލިބޭނެ ކަމަށް މަޑުއްވަރީ ދާއިރާގެ މެންބަރު މުހައްމަދު އަމީތު ވެސް ވަނީ އެބޭފުޅާ ކުރެއްވި ޓްވީޓެއްގައި ވިދާޅުވެފައެވެ.