ބޭންކު އޮފް މޯލްޑިވްސްގެ ޗީފް އެގްޒެކެޓިވް އޮފިސަރ (ސީއީއޯ) އެންޑްރޫ ހީލީ ބޭންކު ކޮންޓްރެކްޓު ހަމަވުމުން އިނގިރޭސިވިލާތުގެ ލީކް ޔުނައިޓެޑް ބިލްޑިންގެ ސޮސައިޓީ އާއި ގުޅިޖެއްޖެއެވެ.
ލީކް ޔުނައިޓެޑުން ނެރުނު ބަޔާނެއްގައި ބުނެފައިވަނީ ބޭންކް އޮފް މޯލްޑިވްސްގެ ކުރީގެ ސީއީއޯ އެބޭންކުގެ ސީއީއޯއަކަށް ހަމަޖައްސާފައިވާ ކަމަށާއި، އެންޑްރޫއަކީ ފައިނޭންސް ދާއިރާގެ 25 އަހަރުގެ ތަޖްރިބާ ލިބިވަޑައިގެންފައިވާ ބޭފުޅެއް ކަމަށެވެ. އަދި ބީއެމްއެލް ކުރު މުއްދަތެއްގެ ތެރޭގައި ހޯދާފައިވާ ކުރިއެރުން ފާހަގަކޮށްފައިވެއެވެ.
އެންޑްރޫ އާއި ބޭންކު އޮފް މޯލްޑިވްސް އާއި ދެމެދު ހަދާފައިވާ ކޮންޓްރެކްޓު އަންނަ ނޮވެމްބަރ މަހަށް ހަމަވާނެއެވެ.
އެންޑްރޫ ބޭންކާއި ގުޅިފައިވަނީ 2014 ވަނަ އަހަރުއެވެ. ފާއިތުވި 4 އަހަރު ބޭންކު އޮފް މޯލްޑިވްސްއިން ބޮޑެތި ކުރި އެރުންތައް ހޯދާފައިވާ އިރު ގިނަ އެވޯޑުތައްވެސް ވަނީ ހާސިލްކޮށްފައެވެ.
ހީލީ ރާއްޖެ އައުމުކުރިން މަސައްކަތް ކޮށްފައިވަނީ ނެޝަނަލް އައިރިޝް ބޭންކުގެ ސީއީއޯއަށެވެ.
އެންޑްރޫ ރާއްޖެ ދޫކޮށްދާއިރު އޭނާއަށް ބައެއް ފަރާތްތަކުން ދަނީ ފާޑު ކިޔަމުންނެވެ.