ރާއްޖޭގެ ބޮޑު ސަރަހައްދަކަށް މޫސުން ގޯސްވާނެ ކަމަށް ލަފާކޮށް މޫސުމާއިބެހޭ ގައުމީ އިދާރާ އިން ވައިޓް އެލާޓް ނެރެފިއެވެ.
މޫސުމާއި ބެހޭ ގައުމީ އިދާރާއިން މިއަދު މެންދުރު 14:30 އާއި ހަމަޔަށް ވައިޓް އެލާޓް ނެރެފައި ވަނީ ފ.އަތޮޅުން ފެށިގެން
ސ. އަތޮޅާއި ދެމެދުގެ ސަރަހައްދުތަކަށެވެ.
މި ވަގުތުތަކުގައި ގުގުރުމާއެކު ބޯކޮށް ވާރޭވެހޭނެ ކަމަށް ލަފާކުރެވޭ ކަމަށް ވެސް މޫސުމާއި ބެހޭ އިދާރާއިން ވަނީ ވިދާޅުވެފައެވެ.
ވައިޓް އެލާޓް: މި އެލާޓްގައި މޫސުމަށް ސަމާލުވާންޖެހެއެވެ. ކޮންމެވެސް ވަރަކަށް ވައިގަދަވެ، ވާރޭ ވެހި، އާންމު ގޮތެއްގައި ކަނޑުތައް ގަދަ ވާނެއެވެ. ވައިޖެހޭނީ 20 މޭލާއި 30 މޭލާ ދެމެދުގެ ބާރުމިނެއްގައެވެ. ވައިޓް އެލާޓް ނެރެފައިވާނަމަ، ދަތުރަށް ފެށުމުގެ ކުރިން މޫސުމާ ބެހޭ އެންމެ ފަހުގެ މައުލޫމާތު ހޯދުން މުހިއްމެވެ.
މި ދުވަސްވަރު ރާއްޖޭގެ އެކި ހިސާބަށް ދަނީ ވިއްސާރަ ކުރަމުންނެވެ. ވިލާގަނޑުގައި ބޯކޮށް ވާރޭވެހި ވައިގަދަވެއެެވެ. ގިނަ ރަށްރަށުގައި ފައިނޭޅޭ ވަރަށް މަގުތަކުގައި ވަނީ ފެންބޮޑުވެފައެވެ.