މިއަދު ރައްޔިތުންގެ މަޖިލީހުގެ ރައީސް ޢަބްދުﷲ މަސީހް ބޭރުކުރާނެ ކަމަށާއި އެހެން ނޫނީ މަސީހް އިސްތިއުފާ ދެއްވާނެ ކަމަށް ގަލޮޅު ދެކުނު ދާއިރާގެ މެމްބަރު އަހްމަދު މަހްލޫފް ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި މަހްލޫފް މިހެން ވިދާޅުވެފައިވާ އިރު މީގެ އިރުކޮޅެއްކުރިން ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ ކުރިއަށް ގެންދިއުމަށް ރައްޔިތުންގެ މަޖިލީހުގެ އާއްމު ކޮމެޓީން ވަނީ ފާސްކޮށްފައެވެ.
https://twitter.com/AhmedMahloof/status/1057568274907426817
ޕީޕީއެމް މެމްބަރުންގެ މެޖޯރިޓީ އޮންނަ އާއްމު ކޮމެޓީގެ މިއަދު ބޭއްވި ބައްދަލުވުމުގައި ފާސްކޮށްފައިވަނީ 2017 ވަނަ އަހަރު 45 މެމްބަރުންގެ ސޮޔާއިއެކު ހުށަހެޅި މައްސަލަ އެގޮތަށް ކުރިއަށް ގެންދިއުމަށެވެ. ކޮމެޓީން ނިންމާފައިވަނީ މަސީހުއަށް ޖަވާބުދާރީ ވުމަށް އިތުރު ފުރުސަތު ނުދީ 2 ގަޑި އިރުގެ ބަހުސަކަށްފަހު ވޯޓަށް ދިއުމަށެވެ.
މަހްލޫފްގެ ޓްވީޓްގައި ވަނީ މިއަދަކީ ރައްޔިތުންނަށް އުފާވެރި ދުވަހަކަށް ވެގެންދާނެ ކަމަށް ވިދާޅުވެފައެވެ.