އަދާލަތު ޕާޓީގެ ރައީސް ޝެއިހް އިމްރާންގެ އަބްދުﷲގެ މައްޗަށް އިއްވާފައިވާ ޖަލު ހުކުމް ތަންފީޒު ކުރުން ފަސްކޮށް، އިމްރާން މިނިވަންކޮށް ދިނުމަށް އެދިއްޖެއެވެ.
އިމްރާންގެ ހުކުމް ފަސްކޮށް ވަގުތީ އަމުރެއް ނެރެދިނުމަށް އެދިފައިވަނީ އިމްރާންގެ މައްސަލާގައި އިއްވާފައިވާ ހުކުމް ރިވިއުކޮށް ދިނުމަށް އެދި ހުށަހަޅާފައިވާ މައްސަލާގައެވެ އެ މައްސަލަ ސްޕްރީމް ކޯޓަށް ހުށަހަޅުއްވާފައިވަނީ އިމްރާންގެ ވަކީލުން ކަމަށް މައުލޫމާތު ލިބެއެވެ.
އިމްރާނަށް އިއްވާފައިވާ ހުކުމް ރިވިއުކޮށް ދިނުމަށް އެދި ހުށަހެޅި މައްސަލަ ސްޕްރީމް ކޯޓުން ވަނީ ބަލައިގެންފައެވެ. އިދިކޮޅު ލީޑަރުންގެ ތެރެއިން މިހާރު ޖަލު ހުކުމުގައި ހުންނެވީ އިމްރާން އެކަންޏެވެ. ކުރީގެ ރައީސް މުހައްމަދު ނަޝީދަށް އިއްވާފައިވާ ހުކުމް ވެސް ތަންފީޒު ކުރުން ފަސް ކުރުމަށް ސްޕްރީމް ކޯޓުން ވަނީ އަމުރުކޮށްފައެވެ.
އިދިކޮޅު ފަރާތްތަކުން 2015 ވަނަ އަހަރުގެ މެއި މަހުގެ އެއްވަނަ ދުވަހު ބޭއްވި ބޮޑު މުޒާހަރާއާއި ގުޅިގެން ޓެރަރިޒަމްގެ ދައުވާކޮށް އިމްރާނަށް ވަނީ 12 އަހަރުގެ ޖަލު ހުކުމެއް އިއްވާފައެވެ.
ރައީސް ނަޝީދުގެ ހުކުމް ފަސްކުރެވިގެން ދިޔަ ގޮތަށް ދާދި އަވަހަށް އިމްރާންވެސް ސަލާމަތްވެގެން ދާނެ ކަމަށް ވަރަށް ގިނަ ބަޔަކަށް ގަބޫލުކުރެވެއެވެ.