އަންނަ އަހަރު އޮންނަ ރައްޔިތުންގެ މަޖިލީހުގައި ވިލިމާލޭ ދާއިރާގެ ގޮނޑިއަށް ވާދަ ނުކުރައްވާނެކަމަށް އެދާއިރާގެ މިހާރުގެ މެމްބަރު އަދި ޕީޕީއެމްގެ ޕީޖީ ލީޑަރު އަހުމަދު ނިހާން ވިދާޅުވެއްޖެއެވެ.
ނިހާން އާއި ހަވާލާދެއްވާ އަވަސް އޮންލައިން އިން ރިޕޯޓްކޮށްފައިވާ ގޮތުގައި އެ ނިންމުން ނިންމެވީ ޒުވާން ކުއްޖަކަށް އެފުރުސަތު ދިނުމުގެ ގޮތުން ކަމަށް ނިހާނު ވިދާޅުވި ކަމަށެވެ. އަދި 10 އަހަރަށް ފަހު ޒުވާނަކަށް އެފުރުސަތު ދިނުމުގެ ހިތްވަރު ހުންނަން ޖެހޭކަމަށް ނިހާން ވިދާޅުވި ކަމަށް ވެސް އެ ނޫހުން ރިޕޯޓްކޮށްފައިވެއެވެ.
ނހާން ވިދާޅުވީ 2014 ވަނަ އަހަރުގެ މަޖިލިސް އިންތިހާބުގައިވެސް ދެން އެ ދާއިރާއަށް ކުރިމަތި ނުލައްވާނެކަން ކެމްޕެއިން ޓީމް ކައިރީ ވިދާޅުވެފައިވާނެ ކަމުގައި ކަމަށް ވެސް އެ ނޫހުން ބުނެއެވެ.
ވިލިމާލޭ ދާއިރާއަށް ވާދަ ނުކުރެއްވުމަށް ނިންމެވި ނަމަވެސް މަޖިލީހުގެ ގޮނޑިއަކަށް ވާދަ ކުރައްވާނެކަން ނިހާން ހާމަ ކުރެއްވި ކަމަށް މައުލޫމާތު ލިބެއެވެ. ނަމަވެސް ވާދަކުރައްވާނެ ދާއިރާއެއް އަދި ނުނިންމަވާ ކަމަށް ނިހާން ވިދާޅުވެފައިވާ ކަމަށް ވެސް އެ ނޫހުގައި ބުނެފައިވެއެވެ.