އަދާލަތު ޕާޓީގެ ރައީސް ޝެއިޚް އިމްރާން ޢަބްދުﷲ މިނިވަންވެވަޑައިގަތުމަށްފަހު އާއިލާއާއިއެކު ކޭކެއް ފެޅުއްވި މަންޒަރު ދައްކުވައިދޭ ފޮޓޯތަކެއް ފެނުމުން ބައެއް ދީނީ އިލްމުވެރިން ވެސް ހިމެނޭ ގޮތަށް ބައެއް ފަރާތްތަކުން ވަނީ އެ މަނިކުފާނު އުފަންދުވަހުގެ ކޭކު ފަޅުއްވަނީކަމަށް ބުނެ ފާޑުކިޔާފައެވެ.
އެ ފަރާތްތަކުން ކިޔަމުން ދިޔަ ފާޑުތަކަށް މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް ވަނީ ޓްވިޓާގައި ރައްދު ދެއްވާފައެވެ. ޑރ. އިޔާޒްގެ ފުރަތަމަ ޓްވީޓްގައި ވަނީ "ރަންނަމާރި" ކިޔާ އައިޑީ އަކުން ފޭސްބުކްގައި ޖަހާފައިވާ ސްޓޭޓަސް އަކަށް ރައްދު ދެއްވާފައެވެ. އެ ސްޓޭޓަސްގައި ލިޔެފައިވަނީ "އެމްޑީޕީއާއި ގުޅުނީމާ ހަލާލުވޭދޯ އުފަންދުވަސް ފާހަގަ ކުރަންވެސް" މިހެންނެވެ. މި ސްޓޭޓަސް އަށް ރައްދު ދެއްވާ ޑރ. އިޔާޒް ވިދާޅުވީ ކޭކެއް ފެޅުން އެއީ އަދި ބާތްޑޭ ފާހަގަކުރުން ނޫން ކަމަށެވެ. ލިޔުމުގައި ވަނީ "އަހަރެންގެ ލޯބިވެރިޔާއެވެ. ތިބާއަކީ މިނިވަނެކެވެ. " މިފަދައިން ކަމަށެވެ.
Rannamaari eve. Cake eh felhun aee adhi Birthday faahaga kurumeh nooneve. Liyumugai vany:
"Aharen ge loabiveriya eve. Thiba aky minivanekeve." pic.twitter.com/VneGGEFGUR— Dr.Mohamed Iyaz (@dr_iyaz) November 3, 2018
ޑރ. އިޔާޒްގެ ދެވަނަ ޓްވީޓްގައި ވަނީ އެއީ ޢިމްރާން މިނިވަންވުމާއި ގުޅިގެން އަނބިކަނބަލުންނާއި ދަރިންނާއިއެކު ފެޅުއްވި ކޭކެއް ކަމަށް ވިދާޅުވެފައެވެ. އުފަންދުވަސް ފާހަގަ ކުރަން ކުރެއްވި ކަމެއް ނޫން ކަމަށެވެ. ކިތަންމެ ރުޅި އެރިޔަސް ހައްޤުބަސް ބުނަން އާދަކުރުމަށް ވެސް ޑރ. އިޔާޒް ވަނީ ވިދާޅުވެފައެވެ.
Miee @ShimranAb minivan vumaai gulhigen anbikanbalunnaai dharinnaai eku felhuvvi cake eh. Ufandhuvas faahaga kuravvan kurevvi kameh noon. Kithanme rulhi eriyas haggu bas bunan aadha kuravvaa.
— Dr.Mohamed Iyaz (@dr_iyaz) November 3, 2018