ސިނަމާލޭ ބްރިޖާއި ގުޅުވައިގެން ތަރައްގީކޮށްފައިވާ "ރިންގް ރޯޑު" ގެ އެކި ހިސާބުތަކުގައި ފިލާ ފެންނަން ހުރީ އެއީ ޖަންކްޝަން ތަކަކަށް ވާތީކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު ކުރެއްވި ޓްވީޓެއްގައި ފިލާފެންނަންހުރި ފޮޓޯއެއް ހިއްސާކުރައްވާ ވިދާޅުވީ ފޮޓޯއިން ފެންނަނީ ޖަންކްޝަނެއް ކަމަށެވެ. ޖަންކްޝަންގެ ލެވެލް އުސްކޮށް މަތިގަނޑު އަޅަންޖެހޭ ކުންފުންޏަށް އެކަން ކުރަން ވަގުތު ބޭނުންވާތީ މަގުހެދުން ލަސްނުކުރެވޭނެތީ، މަގުހެދިއިރު ފިލައެއް ބާއްވާފައިއޮތީ ކަމަށެވެ.
Foto in efennanee junction eh. Junction ge level uskoh mathingadu alhanjehey kunfuyah ekankuran vaguthu beynunvaathee magu hedhun lasnukureveynethee, maguhedhi iru filaeh baavvaafa vanee. Migothah huri filaathah nagaa e kunfunin junction magaa level koh mathialhamun dhanee. pic.twitter.com/xiZMlJuiCe
— Dr Mohamed Muizzu (@MMuizzu) November 5, 2018
ރިންގް ރޯޑުގައި އަޅާފައިވާ ތާރުގަނޑުގެ މަތި ހަލާކުވެ އޭގެ އަޑީގައި ފިލާގަނޑެއް އޮތް ފޮޓޯއެއް އިއްޔެ ސޯޝަލް މީޑިއާގައި އާއްމުވެ ގިނަ ބައެއްގެ ފާޑުކިޔުންތައް މިނިސްޓަރު މުއިއްޒަށް އަމާޒުވެގެންދިޔައެވެ. އެގޮތުން ސިވިލް އިންޖީނިއަރިންގެ ދާއިރާއިން ތައުލީމު ހާސިލުކުރި ނަމަވެސް ޑރ. މުއިއްޒަކީ އެދާއިރާއަށް ހުރި ލަދެއްކަމަށް ބައެއް ފަރާތްތަކުން ސިފަކޮށްފައިވެއެވެ.
ބްރިޖްގެ ކޮންޓްރެކްޓަރާއި ހަވާޅުކުރެވިގެން ބްރިޖަށް ދަތުރުކުރާ މަގުތައް ފުޅާކުރުމުގެ މަސައްކަތް ފަށާފައިވަނީ މިދިޔަ މެއި މަހުގެ ތެރޭގައެވެ. އެގޮތަށް މަގު ފުޅާކުރަން ނިންމީ ބްރިޖަށް ދަތުރުކުރާ މަގު ތޮއްޖެހުނަ ނުދިނުމަށެވެ.