2019 ވަނަ އަހަރުގެ ޖެނުއަރީ މަހު ފަށާ 90 އަށް ވުރެ ގިނަ ކޯހަށް ކުރިމަތިލުމުގެ ފުރުސަތު ދިވެހިރާއްޖޭގެ ގައުމީ ޔުނިވާސިޓީން ހުޅުވާލައިފިއެވެ.
އެ ޔުނިވާސިޓީން ޖެނުއަރީ މަހު ފަށާ ކޯސްތަކުގެ ތެރޭގައި ފައުންޑޭޝަން ލެވެލް އިން ފެށިގެން މާސްޓާސް ޑިގްރީތަކުގެ ތަފާތު ދާއިރާތަކުގެ ކޯސްތައް ހިމެނެއެވެ.
އެގޮތުން ތައުލީމީ ދާއިރާ އާއި ސިއްހީ ދާއިރާ އަދި ވިޔަފާރީގެ ދާއިރާ އާއި އިންޖީނިއަރިން އަދި ޝަރުއީ ދާއިރާ ފަދަ ތަފާތު އެކި ދާއިރާތަކުން ކޯސްތަކަށް ކުރިމަތިލުގެ ފުރުސަތު ވަނީ ހުޅުވާލާފައެވެ.
އެމްއެންޔޫއިން އިއުލާން ކޮށްފައިވާ ބައެއް ކޯސްތައް އަތޮޅުތެރޭގެ ބައެއް ކެމްޕަސްތަކުގައި ވެސް ހިންގުމަށް ހަމަޖައްސާފައިވާއިރު އެކޯސްތަކުގެ ތެރޭގައި ފުލްޓައިމް އަދި ޕާޓްޓައިމް ކޯސްތައް ހިމެނެއެވެ.
މިއަހަރު ހުޅުވާލާފައިވާ 97 ކޯސް މެދުވެރިކޮށް ޖުމްލަ 7200 އަށް ވުރެ ގިނަ ދަރިވަރުންނަށް އެމްއެންޔޫ އިން މަތީ ތައުލީމު ހާސިލު ކުރުމުގެ ފުރުސަތު ލިބިގެންދާނެއެވެ.
ކޯސްތަކަށް ކުރިމަތިލުގެ ފަހު ތާރީހަކީ އަންނަ ޑިސެމްބަރުމަހުގެ 27 ވަނަ ދުވަހެވެ.