އެސްއޯ ފުލުހުން މިދިޔަ ބުދަ ދުވަހު މަރަދޫ ބަޔަކަށް އަނިޔާ ކުރި ކަމަށް ބުނާ މައްސަލަތައް ބަލައި ތަހުގީގު ކުރުމަށް ފުލުހުންގެ ޕްރޮފެޝަނަލް ސްޓެންޑާޑް ކޮމާންޑް (ޕީއެސްސީ) ގެ ޓީމެއް މިއަދުން ފެށިގެން އައްޑޫގައި ހަރަކާތްތެރިވާން ފަަށައިފި އެވެ.
އެކަން ކޮމިޝަނަރު އޮފް ޕޮލިސް އަބްދުﷲ ރިޔާޒް ވެސް ވަނީ ކަށަވަރުކޮށް ދެއްވާފަ އެވެ. ސީޕީގެ ޓްވިޓާގައި މިއަދު ވިދާޅުވެފައި ވަނީ އައްޑޫން ފުލުހުންނާ ގުޅޭ ގޮތުން ލިބިފައިވާ ޝަކުވާތައް ބެލުމަށް ޕީއެސްސީގެ ޓީމެއް ހަރަކާތްތެރިވަމުން އަންނަ ކަމަށެވެ.
ފުލުހުންގެ އޮފިޝަލަކު ވިދާޅުވީ ފުލުހުން ރައްޔިތުންނަށް އަނިޔާ ކުރި ކަމަށް ބުނާ މައްސަލަ އިތުރަށް ބަލައި ތަހުގީގުކޮށް، ފިޔަވަޅު އަޅަން ޖެހިއްޖެ ނަމަ ފިޔަވަޅު ވެސް އަޅާނެ ކަމަށެވެ.
ފުލުހުންނާއި އާންމުންނާ ދެމެދު މަރަދޫގައި ހިނގި ހަމަނުޖެހުންތަކާ ގުޅިގެން ހަތް މީހަކު ތިބީ ފުލުހުންގެ ބެލުމުގެ ދަށުގަ އެވެ. އަދި އެ މީހުންނަށް ވެސް އަނިޔާކޮށްފައިވާ ކަމަށާއި އެ މީހުން ހައްޔަރު ކުރީ އެއްވެސް ކަމަކަށް ނުލާ ކަމަށް އެ މީހުން ދޫކޮށްުމަށް، ގޮވާލައި އިއްޔެ އައްޑޫގައި ވަނީ ފުލުހުންނާ ދެކޮޅަށް ހިނގާލުމެއް ވެސް ބާއްވާފަ އެވެ.