ރާއްޖެ ތަރައްގީ ކުރެވޭނީ ގިނަ އެއާޕޯޓްތައް އަޅައިގެން ކަމަށް އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވީ އޭނާ ކުރެއްވި ޓްވީޓެއްގައެވެ.
Raajje tharaggee kureveynee gina airport thah alhaigen. Komme rayyithakavves 30 minute ge kandudhathurakun airport akah aadhevun eiee RY fettevi masakkatheh.
— Mohamed Saeed (@em_saeed) November 10, 2018
އެ ޓްވީޓްގައި ސައީދު އިތުރަށް ވިދާޅުވީ ކޮންމެ ރައްޔިތަކަށް ވެސް 30 މިނިޓުގެ ކަނޑު ދަތުރަކުން އެއާޕޯޓަށް އާދެވުން އެއީ ރައީސް ޔާމީން ފެއްޓެވި މަސައްކަތެއް ކަމަށެވެ.
ސައީދު މިހެން ވިދާޅުވީ، އަތޮޅުތަކުގައި އަޅާ އެއާޕޯޓްތަކުގެ އަދަދު އިތުރުކުރުމަށްވުރެ ބޮޑަށް ރަނގަޅީ ހަރުދަނާ، ހަލުވި އަދި އަގުހެޔޮ ފެރީގެ ނިޒާމެއް ޤާއިމްކުރުން ކަމަށް ކުރީގެ ރައީސް މުހައްމަދު ނަޝީދު ހދ. ދިއްދޫގެ ރައްޔިތުންނާއި ބައްދަލުކުރައްވާ ވިދާޅުވެފައިވަނިކޮށެވެ.
ކޮންމެ ރަށެއްގައި އެއާޕޯޓެއް އެޅުމަށް މީހުން އެދުނަސް އެއީ ތަރައްޤީގެ ރަނގަޅު ތަޞައްވަރެއް ނޫންކަމަށް ވެސް މުހައްމަދު ނަޝީދު ވަނީ ވިދާޅުވެފައެވެ.