ރާއްޖޭގެ ޖުމްހޫރިއްޔަތުގެ ފުރަތަމަ 40 އަހަރު ވެރިކަން ބަދަލުވީ 2 ފަހަރަށް ކަމަށާއި މިއަދަކީ 3 ވަނަ ފަހަރަށް ވޯޓުން ވެރިކަން ބަދަލުވާންޖެހޭ ދުވަސް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ ދެވަނަ ޖުމްހޫރިއްޔާއަށް 50 އަހަރު ފުރުމާއި ގުޅިގެން ކުރެއްވި ޓްވީޓެއްގައެވެ.
Jumhooree nizam akee eveylaa Rome ge nizameh.America ge dhakhilee haguraama aai Faranseysi inqilabun mi falsafa ah ithuru kurierun libunu.Raajjeyge 2 vana jumhooriyathuge furathama 40 aharu verikan badhaluvee 2 faharah.Miadhakee 3 vana faharah votun verikan badhalvaanjehey dhuvas pic.twitter.com/naCfsERBSd
— Mohamed Nasheed (@MohamedNasheed) November 11, 2018
ރައީސް ނަޝީދުގެ ޓްވީޓްގައި ވިދާޅުވީ ޖުމްހޫރީ ނިޒާމަކީ އެވޭލާ ރޯމްގެ ނިޒާމެއް ކަމަށެވެ. އެމެރިކާގެ ދާޚިލީ ހަނގުރާމައާއި ފަރަންސޭސި އިންގިލާބުން މި ފަލްސަފާއަށް އިތުރު ކުރިއެރުން ލިބުނު ކަމަށެވެ.
ރާއްޖޭގައި ދެވަނަ ޖުމްހޫރިއްޔާއެއް ފެށިގެން ދިޔައީ 1968 ވަނަ އަހަރުގެ ނޮވެމްބަރު މަހުގެ 11 ވަނަ ދުވަހު އޭރުގެ ރަސްކަލުން މުހައްމަދު ފަރީދުގެ ރަސްކަން ނިމުމާއި ގުޅިގެންނެވެ. ދެވަނަ ޖުމްހޫރިއްޔާގެ ފުރަތަމަ ރައީސަކީ އިބްރާހިމް ނާސިރެވެ. ނާސިރު 10 އަހަރު ވެރިކަން ކުރެއްވިއެވެ. ރައީސް މައުމޫނު އަބްދުލް ގައްޔޫމުގެ ވެރިކަން ފެށިގެން ދިޔައީ ވެރިކަން ދޫކޮށްލައްވައި އިބްރާހިމް ނާސިރު ސިންގަޕޫރަށް ވަޑައިގެންނެވުމުން 11 ނޮވެމްބަރު 1978 ގައެވެ.
ރައީސް މައުމޫނުގެ ވެރިކަން 30 އަހަރަށް ދެމި އޮތެވެ. ރައީސް މައުމޫނުގެ ވެރިކަން ނިމުމަކަށް ގެނެވުނީ ފުރަތަމަ ބޭއްވުނު ގިނަ ޕާޓީ ހިމެނޭ އިންތިހާބުގެ ތެރެއިން 11 ނޮވެމްބަރު 2008 ގައެވެ.