"އެގްރިވިޔަފާރި: ހެއްދި އެތިކޮޅު ދޭ ކިރާލަން، ވަގުތުން ފައިސާ ދޭ" މި ނަމުގައި ދަނޑުވެރިކަމުގެ އެމްޑީޕީ ސިޔާސަތު އިފްތިތާޙްކޮށް ދެއްވުމަށް، އެމްޑީޕީގެ ރިޔާސީ ކެންޑިޑޭޓް މުޙަންމަދު ނަޝީދު ތިލަދުންމަތި ހދ. ކުޅުދުއްފުއްޓަށް މިއަދު ވަޑައިގަން އެކަން އިފުތިތާހުކޮށް ދެއްވައިފ އެވެ.
ދަނޑުވެރިކަމުގެ އެމްޑީޕީ ސިޔާސަތު ހދ.ކުޅުދުއްފުށީގައި ރައީސް ނަޝީދު އިފްތިތާޙްކޮށްދެއްވުގެ ރަސްމިއްޔާތު އޮންނާނީ މިއަދު ހަވީރު ހަތަރެއް ޖަހާއިރުއެވެ. މި ރަސްމިއްޔާތާ އެކު އެކީހެން، ރާއްޖޭގެ އެހެން 20 ސަރަޙައްދެއްގައި މި ސިޔާސަތު އިފްތިތާޙް ކުރެވިގެން ދާނެ އެވެ.
މި އިޙްތިފާލުތަކުގައި ބައިވެރުވުމުގެ ދައުވަތު އެ ސަރަހައްދެއްގެ އެންމެހާ ރައްޔިތުންނަށް ރައީސް ނަޝީދު ވަނީ ދެއްވާފައެވެ.
"އެގްރިވިޔަފާރި: ހެއްދި އެތިކޮޅު ދޭ ކިރާލަން، ވަގުތުން ފައިސާ ދޭ" މިނަމުގައި އެމްޑީޕީގެ އެގްރިވިޔަފާރި ސިޔާސަތު ޤައުމީ ފެންވަރުގައި އިފްތިތާޙް ކުރާ ރަށްތަކަކީ، ހދ. ކުޅުދުއްފުށި، ހއ. ކެލާ، ށ. ކަނޑިތީމް، ނ. ލަންދޫ، ރ. ހުޅުދުއްފާރު، ބ. ގޮއިދޫ، ޅ. އޮޅުވެލިފުށި، ކ. ކާށިދޫ، އއ. ތޮއްޑޫ، އދ. އޮމަދޫ، ވ. ރަކީދޫ، މ. މުލި، ފ. ނިލަންދޫ، ދ. ކުޑަހުވަދޫ، ތ. ވޭމަންޑޫ، ލ. ކަޅައިދޫ، ގއ. ނިލަންދޫ، ގދ. ހޯޑެއްދޫ، ޏ. ފުވައްމުލައް، އައްޑޫ ސިޓީއިން ހުޅުމީދޫ އަދި މާލެ ސިޓީގަ އެވެ.
މި20 ސަރަހައްދުގައި މި ސިޔާސަތު އިފްތިތާޙް ކޮށްދެއްވާނީ އެމްޑީޕީއަށް ނިސްބަތްވާ ރައްޔިތުންގެ މަޖިލީހުގެ މެންބަރުންނާއި އެމްޑީޕީ ސަރުކާރުގެ މިނިސްޓަރުކަން ކުރެއްވި ބޭފުޅުންނާއި އެމްޑީޕީގެ ޤައުމީ މަޖިލީހުގެ މެންބަރުންނެވެ.