އެއްވެސް ރަށެއްގެ އެއްވެސް ރައްޔިތަކަށް ވަޒީފާގެ ބިރުދައްކާ މީހަކު އެ ކުރަނީ ގާނޫނީ ގޮތުން ބޮޑު ކުށެެއް ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
ހޮނިހިރު ދުވަހު މުސްތަފާ ކުރެއްވި ޓްވީޓެއްގައި ވިދާޅުވީ އެފަދަ ކަމެއް ކުރި މީހެއްގެ މައްސަލަ ޕޮލިހަށް ހުށަހަޅަން އެދޭ ކަމަށެވެ.
Ehves rashehge eh ves rahyithakah vazeefaa ge biru dhakkaa meehaku ekuranee Qaanoonee gothun bodu kusheh! E fadha kameh kuri meehehge mahsala @PoliceMv ah hushahelhun edhen. Adhi mauloomaathu libijje nama hudhu alhugandu ves e massala hushahalhaa dheynan.
— Mohamed Musthafa (@Thimarafushi) November 24, 2018
"އެއްވެސް ރަށެއްގެ އެއްވެސް ރައްޔިތަކަށް ވަޒީފާގެ ބިރުދައްކާ މީހަކު އެ ކުރަނީ ގާނޫނީ ގޮތުން ބޮޑު ކުށެެއް. އެފަދަ ކަމެއް ކުރި މީހެއްގެ މައްސަލަ ޕޮލިހަށް ހުށަހެޅުން އެދެން. އަދި މައުލޫމާތު ލިބިއްޖެނަމަ ޚުދު އަޅުގަނޑު ވެސް އެ މައްސަލަ ހުށަހަޅާދޭނަން." މުސްތަފާ ވިދާޅުވިއެވެ.
ރައީސް ޔާމީނުގެ ސަރުކާރު ނިމެން އައިއިރުވެސް އެންމެ ގަދަޔަށް އިވެމުން ދިޔައީ ސަރުކާރު ވަޒީފާތަކުގައި ތިއްބެވި ފަރާތްތަކަށް ވަޒީފާގެ ބިރު ދައްކާ ވާހަކައެވެ. ރައީސް އިބްރާހީމް މުހައްމަދު ސޯލިހްގެ ސަރުކާރު އައުމަށްފަހު އެފަދަ ކަންތައް ތަކުރާރު ނުވާނެ ކަމުގެ ޔަގީންކަން އެ ބޭފުޅުން ވަނީ ރައްޔިތުންނަށް ކެމްޕޭން ދުވަސްވަރު ދެއްވާފައެވެ.