މަރާލެވިފައިވާ މީހުންނާއި ކުރީގެ ކޮރަޕްޝަންތަކަށް އިޝާރާތް ކުރައްވާ 4 ލީޑަރުންނަށް، ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (އަދުރޭ) ސުވާލުތަކެއް އަމާޒުކުރައްވައިފިއެވެ.
ހޮނިހިރު ދުވަހުގެ ރޭ އަދުރޭ ކުރެއްވި ޓްވީޓެއްގައި ވަނީ އީވާން ނަސީމް އާއި ހުސައިން ސޮލާހްގެ މަރުގެ ހަގީގަތް ހޯދަން ކޮމިޓީއެއް ހެދުމުގެ ހިތްވަރު 4 ލީޑަރުންގެ ހުންނާނެތޯ ސުވާލު ކުރައްވާފައެވެ.
Eevaan Nasym adhi Hussain Solah ge maruge Hageegaiy hoadhan comity eh hedhumuge hivvaru 4 leaderunge hunnaanebaa? Jahvah,Havayah,Fazaayah badi jehi mas’alaves bahlavaane kamah hee kuran.FPID in gehlunu faisaaves hoadhan vaane dhehthoa?E’ee ves rayyithunge varah baivaru faisaa…
— Abdul Raheem Abdulla (@Banafsaa) November 24, 2018
ރައީސް މައުމޫންގެ ވެރިކަމުގައި ހިނގާފައިވާ ބައެއް ކަންތަކުގެ ވާހަކަތައް ހިމެނޭ ގޮތަށް ކުރެއްވި ޓްވީޓްގައި އަދުރޭ އިތުރަށް ވިދާޅުވީ ޖައްވަށް، ހަވާޔަށް، ފަޒާޔަށް ބަޑިޖެހި މައްސަލަ ވެސް ބައްލަވާނެ ކަމަށް ހީކުރައްވާ ކަމަށެވެ.
"އެފް.ޕީ.އައި.ޑީ އިން ގެއްލުނު ފައިސާވެސް ހޯދަންވާނެ ދެއްތޯ؟" އަދުރޭ ސުވާލު ކުރެއްވިއެވެ. އެއީ ވެސް ރައްޔިތުންގެ ވަރަށް ބައިވަރު ފައިސާ ކަމަށް ވެސް އަދުރޭ ވިދާޅުވިއެވެ.
ރައީސް ޔާމީންގެ ސަރުކާރު ނިމިގެން ދިޔައިރު އަދުރޭގެ މި ސުވާލުތައް ހުރީ ކޮންތާކުތޯ ސުވާލު އުފައްދާނެ ފަރާތްތައް މި ފަހަރު މަދެއް ނުވާނެ ކަމަށް ބެލެވެއެވެ. ކުރައްވާ ޓްވީޓްތަކުންނާއި ޖައްސަވާ "މޮޅު ހިސާބު" ތަކުން ސޯޝަލް މީޑިއާގެ ފަލަ ސުރުޚީތަކުން ޖާގަ ހޯއްދަވަމުން ގެންދަވާ އަދުރޭގެ ސުވާލުތަކަށް މިފަހަރު ވެސް ފާހަގަ ކުރެވޭ ފަދަ ޖަވާބުތަކެއް ލިބިގެންދާނެ ކަމަށް ބެލެވެއެވެ.