ޓްރީ ޓޮޕް ހޮސްޕިޓަލުގައި ޚިތާނު ކުރުމުގެ ސާޖަރީތައް މިއަދު ފަށައިފިއެވެ.
ޓްރީ ޓޮޕް ހޮސްޕިޓަލުގައި ޚިތާނު ކުރަން ފެށުމާއެކު އެ ޚިދުމަތް ލިބިގަތުމަށް ދާ ކުދިންނާއި އެކުދިންގެ އާއިލާގެ ފަރާތުން ވަރަށް ރަނގަޅު ތަރުހީބެއް ލިބެމުން ދާކަމަށް އެ ހޮސްޕިޓަލުން ބުނެއެވެ. އެ ހޮސްޕިޓަލުގެ ޚިތާނީ ޓީމުގައި އިސްކޮށް ހުންނަވަނީ ތަޖުރިބާކާރު ޑރ. އަބްދުﷲ އުބައިދު އެވެ. އަދި މީގެ އިތުރުން އެޓީމުގައި ގާބިލު އައްސި ކުރާ ޑޮކްޓަރުންނާއި ނަރުހުންވެސް ހިމެނެއެވެ.
ޓްރީ ޓޮޕް ހޮސްޕިޓަލުން ވަނީ ޚިތާނީ ޕެކޭޖު ތަކެއް ކަނޑައަޅާފައެވެ. އެޕެކޭޖުގައި ހިމެނެނީ އޮޕަރޭޝަން ތަކަށް ޚާއްސަ ޑޮކްޓަރަށް އަދި އައްސި ކުރާ ޑޮކްޓަރަށް ދެއްކުން، ޚިތާނު ކުރުމަށް ކުރަން ޖެހޭ ތަހުލީލުތައް ކުރުން، ޚިތާނު ކުރުމަށް ކުރެވޭ ބޭސްފަރުވާ، ޑޭއިކެއަރ ޔުނިޓްގައި ބޭއްވުން، ލުއި ކެއުމެއް އަދި ގެޔަށް ދޫކޮށްލުމަށްފަހު ޑޮކްޓަރަށް ދެއްކުމަށް ހަދާ ފުރަތަމަ ކޮންސަލްޓޭޝަން(އަދި ފޮލޯއަޕް) އެވެ.
ޓްރީ ޓޮޕް ހޮސްޕިޓަލުން މަސައްކަތް ކުރަނީ އެތަނަށް ޒިޔާރަތްކުރާ ހުރިހާ ކުދިންނަށް އުފާވެރި އަދި ހިތްފަސޭހަ މާހައުލެއްގައި ޚިދުމަތް ފޯރުކޮށްދިނުމަށް ކަމަށް އެ ހޮސްޕިޓަލުން ބުނެއެވެ.
އިތުރު މައުލޫމާތު ހޯއްދެވުމަށް 3351610 އަކަށް ގުޅުއްވުމަށް އެ ހޮސްޕިޓަލުން އިލްތިމާސް ކުރެއެވެ.