2019 ވަނަ އަހަރަށް ލަފާ ކުރާ ދައުލަތުގެ ބަޖެޓު، ރައްޔިތުން މަޖިލީހުގެ މާދަމާގެ ޖަލްސާގައި ފާސްކުރުމަށް ނިންމައިފިއެވެ.
ރައްޔިތުން މަޖިލީހުގެ މިއަދުގެ ޖަލްސާ ފައްޓަވަމުން، ރައްޔިތުން މަޖިލީހުގެ ރައީސް ގާސިމް އިބްރާހިމް ވަނީ މާދަމާ ބާއްވާ ރައްޔިތުން މަޖިލީހުގެ ޖަލްސާގައި ބަޖެޓް ފާސްކުރުމަށް ނިންމާފައިވާ ކަމަށް ވިދާޅުވެފައެވެ. ބަޖެޓަށް އިތުރު އިސްލާހެއް ހުށަހަޅަން ބޭނުން ނަމަ، މިއަދު 18:00 ގެ ކުރިން އެ އިސްލާހެއް ހުށަހެޅުމަށް އެދޭ ކަމަށް ވެސް މަޖިލީހުގެ ރައީސް ވަނީ ވިދާޅުވެފައެވެ.
އަންނަ އަހަރަށް ލަފާކޮށް، ފިނޭންސް މިނިސްޓްރީން ރައްޔިތުން މަޖިލީހަށް ހުށަހެޅީ 29.6 ބިލިއަން ޑޮލަރުގެ ބަޖެޓެކެވެ. އާމްދަނީ އާއި ހިލޭ އެހީގެ ގޮތުގައި އަންނަ އަހަރު ދައުލަތަށް 23 ބިލިއަން ޑޮލަރު ލިބޭނެ ކަމަށް ލަފާކޮށްފައިވެއެވެ.
ރައްޔިތުން މަޖިލީހުގެ ބަޖެޓް ކޮމިޓީގައި، އެ ބަޖެޓަށް ބަދަލުތަކެއް ގެނެސްފައިވެއެވެ.