މާލެއަށް ބޯކޮށް ވާރޭވެހި އެސްޓީއޯގެ ކާޑު ގުދަންތަކަށް ފެންވަދެފައިވީ ނަމަވެސް ގުދަން ކުރެވިފައިވާ ތަކެއްޗަށް އެއްވެސް ގެއްލުމެއް ނުވާ ކަމަށާއި، ކާޑުގެ ބާވަތްތައް ލިބުމުގައި ދަތިނުވާނެ ކަމަށް އެސްޓީއޯގެ މެނޭޖިން ޑިރެކްޓަރު ހުސައިން އަމްރު ވިދާޅުވެއްޖެއެވެ.
އެސްޓީއޯގެ މެނޭޖިން ޑިރެކްޓަރު ހުސައިން އަމްރު އާއި ހަވާލާދެއްވާ ރާއްޖެ.އެމްވީއިން ރިޕޯޓްކޮށްފައިވާ ގޮތުގައި މާލެއަށް ބުދަ ދުވަހު ކުރި ވިއްސާރާގައި ފެންވަދެ ގިނަ ގެއްލުންތައް ލިބުނު ކަމުގައި ވިޔަސް އެސްޓީއޯގެ މުވައްޒަފުންގެ ހުށިޔާރުކަމާއި ހީވާގިކަމުން ކާޑުގެ ސްޓޮކްތައް ވަނީ ސަލާމަތް ކުރެވިފައެވެ.
ގުދަންހުރި މަގުގެ ކަކުލާ ހަމައަށް ފެން ބޮޑުވި ކަމަށާއި، ނަމަވެސް ބެލި ބަސްތާ ޖަހައިގެން ގުދަނަށް ފެންވަނުން ކޮންޓްރޯލް ކުރެވުނު ކަމަށް އަމްރު ވިދާޅުވިކަމަށް އެ ނޫހުގައި ބުނެފައިވެއެވެ.
މާލޭގެ އެއްވެސް ތާކަށް އަދި ރަށަކަށް ވެސް ކާޑުގެ ބާވަތްތައް ބޭރު ނުކުރެވޭ ކަމަށާއި، ނަމަވެސް ކާޑުގެ ބާވަތްތައް ނުލިބިގެން ރައްޔިތުން އުޅެން ނުޖެހޭނެ ކަމަށްވެސް އެސްޓީއޯއިން ބުނެއެވެ.
މާލޭއަށް ބުދަދުވަހު ވެހުނު ވާރޭގައި ގިނަ ގެތަކަށް ފެންވަދެ ވަނީ ބޮޑެތި ގެއްލުންތަކެއް ވެފައެވެ.