މޯލްޑިވްސް މީޑިއާ ކައުންސިލުން ހޮވާ އެންމެ އުއްމީދީ ނޫސްވެރިޔާގެ އެވޯޑު އަވަސް ނޫހުގެ ޒުވާން ނޫސްވެރިޔާ ނާސިމް ހަސަން ހޯދައިފިއެވެ.
ނޫސްވެރިކަމުގެ އަލިމަސް ޔޫބިލް ފާހަގަ ކުރުމަށާއި، ނޫސްވެރިކަމުގެ އިނާމު ދިނުމަށް ބޭއްވި ޖަލްސާގައި ނާޒިމް އާއި އެވޯޑު ހަވާލުކޮށްދެއްވީ މިނިސްޓަރ އޮފް އެޑިއުކޭޝަން ޑރ. އައިޝަތު އަލީއެވެ.
މީޑިއާ ކައުންސިލުން ނޫސްވެރިންނަށް އެވޯޑު ދެނީ އެވޯޑަށް ކުރިމަތިލާ ނޫސްވެރިންގެ ތެރެއިން ޖަޖުންގެ ޕެނަލުން އެންމެ މަތިން ޕޮއިންޓު ލިބޭ ނޫސްވެރިއަކަށެވެ.
ހދ. ކުޅުދުއްފުށީގައި ނެރޭ ކުޅުދުއްފުށީ.ކޮމްއިން ނޫސްވެރިކަމުގެ ތެރެއަށް ނިކުތް ނާޒިމް ހަސަން ވަނީ ވަގުތު ނޫސް އަދި އޭގެ ފަހުން އަވަސް ނޫހަށް ބަދަލުވެފައެވެ.
ރާއްޖޭގެ އެންމެ ޒުވާން ނޫސްވެރިންގެ ތެރޭގައި ހިމެނޭ ނާޒިމް ހަސަން އަކީ މުރާލި، ހީވާގި ނޫސްވެރިއެކެވެ.