އައްޑޫގެ ރަށްރަށުގެ ވިޔަފާރި ކުރާ ތަންތަން ޗެކް ކުރުމުގެ ޕްރޮގްރާމެއް އަންނަ މަހުގެ ތެރޭގއަި ފަށަން ނިންމާފައިވާ ކަމަށް ކައުންސިލްގެ ބިޒްނަސް ޑިޕާޓްމަންޓުން ބުނެފި އެވެ.
ކައުންސިލާއި އައްޑު ޕަބްލިކް ހެލްތް ޔުނިޓް ގުޅިގެން ފަށާ މި ޕްރޮގްރާމް ޖޫން މަހުގެ ތެރޭގައި ފަށާނެ ކަމަށް ބުނި ނަމަވެސް އެކަން ފަށާނެ ތާރީހެއް ހާމަކޮށްފައެއް ނުވެ އެވެ.
ބެލެވޭ ގޮތުގައި މިހާ ކުރިން އެކަން އިއުލާން ކުރީ ވިޔަފާވެރި ހިންގާ ފަރާތްތަކުގެ ސަމާލު ކަމަށް މިކަން ގެނައުމުގެ ގޮތުންނެވެ.
ވިޔަފާރި ކުރާ ތަންތަން ޗެކް ކުރުމަށް ކުރިއަށް ގެންދާ މި ޕްރޮގްރާމަީ ވިޔަފާރި ކުރުމަށާއި ހިދުމަތް ދިނުމަށް ހިންގާ ތަންތަން ހުންނަނީ މުދާ ގަންނަ ފަރާތާއި ހިދުމަތް ލިބިގަންނަ ފަރާތްތައް ހިމާޔަތް ކުރުމުގެ ޤާނޫނާއި އެއްގޮތަށް ތޯ ބެލުމުގެ ގޮތުން ކުރިއަށްގެންދާ ޕްރޮގްރާމެެކެވެ.
އެގޮތުން ޤާނޫނާ ހިލާފަށް ވިޔަފާރި ކުރާ ތަންތަނާއި ހިދުމަތްދޭ ތަންތަނާ މެދު ޤާނޫނުގައިވާ ގޮތުގެ މަތިން ފިޔަވަޅު އަޅާނެ ކަމަށް ކައުންސިލުން ބުންޏެވެ.