އިންޑިއާ އިން ރާއްޖެ އަށް ކަނޑައަޅުއްވާފައި ހުންނަވާ އިންޑިއަން ހައި ކޮމިޝަނަރު ރާޖީވް ޝަހާރޭ ކޮމިޝަނަރު އޮފް ޕޮލިސް ޢަބްދުﷲ ރިޔާޒް އާ ބައްދަލު ކުރައްވައިފި އެވެ.
ޝަހީދު ހުސައިން އާދަމް ބިލްޑިންގައި އޮތް މި ބައްދަލުވުމުގައި ޝަހާރޭ މައިގަނޑު ގޮތެއްގައި މަޝްވަރާ ކުރައްވާފައި ވަނީ ރާއްޖޭގައި ދިރިއުޅޭ އިންޑިޔާގެ ރައްޔިތުންނަށް އަމާންކަމާއި ސަލާމަތްތެރިކަން ކަށަވަރުކޮށް ދިނުމާ ގުޅޭ ގޮތުންނެވެ.
މި ބައްދަލުވުމުގައި ރިޔާޒު ދެއްކެވި ވާހަކައިގައި ރާއްޖޭގައި ދިރިއުޅޭ ބޭރު މީހުންނާއި ދިވެހިންނާއި ރާއްޖެ އަށް ޒިޔާރަތް ކުރާ ހުރިހާ މެހެމާނުންގެ ސަލާމަތާއި ރައްކާތެރިކަމަށްޓަކައި ފުލުހުންގެ ފަރާތުން ކުރެވެންހުރި ހުރިހާ މަސައްކަތްތަކެއް ކުރަމުން ގެންދަވާ ކަމަށާއި އެކަން ކުރިއަށް އޮތް ތަނުގައި ވެސް އެ ގޮތުގައި ކުރިއަށް ގެންދަވާނެ ކަމުގެ ޔަޤީންކަން ދެއްވި އެވެ.