މިއަދު މ. ނަލަހިޔާ ކައިރީގައި ހަދަމުންދާ އިމާރާތަކުން ބޮލަށް ސިމެންތި ބަސްތާއެއް ވެއްޓި ޒަހަމްވި ކުޑަކުއްޖާގެ މައްސަލަ ސަރުކާރުން ސީރިއަސް މައްސަލައެއް ގޮތުގައި ބަލާނެ ކަމަށް މިނިސްޓަރ އޮފް ޔޫތް އެންޑް ސްޕޯޓްސް އަހްމަދު މަހްލޫފް ވިދާޅުވެއްޖެއެވެ.
މަހްލޫފް ކުރެއްވި ޓްވީޓެެއްގައި މިއީ ސީރިއަސްކޮށް ބަލާ ތަހުގީގު ކުރަންޖެހޭ ކަމެއް ކަމަށް ވަނީ ވިދާޅުވެފައެވެ. އަދި އެކަމަށް ބާރު އަޅުއްވާނެ ކަމަށް ވެސް އެ ބޭފުޅާ ވަނީ ވިދާޅުވެފައެވެ.
Miee seriouskoh balaa thahugeegu kuranjehey kameh, ekamah baaru alhaanan. Miee alhaanulaa dhookolleveyne kamehnoon.
Mifadha kankan thakuraaru nuvaanegothah fiyavalhu alhanjehey.
Sarukaarun mikan serious massalaehge gothuga balaane. https://t.co/jWCk4Olcrf— Ahmed Mahloof (@AhmedMahloof) December 16, 2018
އެއީ އަޅާނުލާ ދޫކޮށްލެވޭނެ ކަމެއް ނޫން ކަމަށާއި އެފަދަ ކަންކަން ތަކުރާރު ނުވާނެ ގޮތަށް ފިޔަވަޅު އަޅަންޖެހޭ ކަމަށް ވެސް މަހްލޫފް ވަނީ ވިދާޅުވެފައެވެ.
މިނިސްޓަރ މަހްލޫފް ވަނީ އަނިޔާވި ކުއްޖާގެ ހާލު ބެއްލެވުމަށް ހޮސްޕިޓަލަށް ޒިޔާރަތް ކުރައްވާފައެވެ.
އެ ކުއްޖާގެ ބޮލަށް ސިމެންތި ބަސްތާ ވެއްޓޭ މަންޒަރު ފެންނަ ވީޑިޔޯއެއް މިހާރު އާއްމުވެފައިވާއިރު، އެ ވީޑިޔޯ އިން ފެންނަ ގޮތުގައި ކުއްލިއަކަށް ބޮލަށް ސިމެންތި ބަސްތާ ވެއްޓުމާއެކު އެ ކުއްޖާ ހަރަކާތް ހުއްޓިފައިވާ މަންޒަރު ފެނެއެވެ.
ސިމެންތި ބަސްތާ ވެއްޓުމާއެކު މުޅި އެ ސަރަހައްދުގައި އެއްކޮށް ސިމެންތި ދުމުން ބޯކޮށްލާފައިވާއިރު އިރުކޮޅެއްފަހުން އެ ސަރަހައްދަށް މީހުން ޖަމާވެ އެ ކުއްޖާ އަށް އެހީތެރިވާ މަންޒަރު ވެސް ވީޑިޔޯ އިން ފެނިގެންދެއެވެ.