އިއްޔެ ބެންކޮކް، ތައިލެންޑުގައި ބޭއްވިގެން ދިޔަ މިސް ޔުނިވާސް ކޮންޓެސްޓުގައި، މިސް ފިލިޕީންސްގެ ކެޓްރިއޯނާ ގްރޭ މިސް ޔުނިވާސްގެ ތާޖު ކާމިޔާބު ކޮށްފިއެވެ.
24 އަހަރުގެ ކެޓްރިއޯނާ މިސް ޔުނިވާސްގެ މަގާމް ހާސިލްކޮށްފައިވަނީ 93 ގައުމުގެ ބައިވެރިންނާއި ވާދަކޮށެވެ. އޭނާ މި މުބާރާތުގެ 1 ވަނަ ހާސިލްކޮށްފައިވާ އިރު، ސައުތު އެފްރިކާގެ ޓެމެރީން ގްރީން ވަނީ މިސް ޔުނިވާސް މުބާރާތުގެ 2ވަނަ މަގާމު ހޯދާފައެވެ. އަދި ވެނެޒުއެލާގެ ސްޓެފަނީ ގުޓިއެރެޒް ވަނީ 3ވަނަ މަގާމު ހާސިލް ކޮށްފައެވެ.
ކެޓްރިއޯނާއަށް މިސް ޔުނިވާސްގެ ތާޖް ހަވާލުކޮށްދިނީ 2017ގެ މިސް ޔުނިވާސް، ސައުތު އެފްރިކާގެ ޑެމީ-ލެއި ނެލް-ޕީޓާރސްއެވެ.
67ވަނަ މިސް ޔުނިވާސް މުބާރާތުގެ ތީމަކީ "އެމްޕަވާޑް ވިމެން" އެވެ. މިމުބާރާތުގެ ޖަޖުންގެ ގޮތުގައި ވިޔަފާރިވެރިންނާއި، ފެޝަން ޑިޒައިނަރުންނާއި، ކުރީގެ މިސް ޔުނިވާސްގެ މަގާމުގައި ތބި ފަރާތްތަކާއި އެކު 7 މީހުން ހިމެނެއެވެ.