ބޮލީވުޑްގެ ފިލްމް އިންޑަސްޓްރީގެ ވަފްދެއް އިންޑިއާގެ ޕްރައިމް މިނިސްޓަރު ނަރެންދްރަ މޯދީއާއި ބައްދަލުކޮށްފިއެވެ.
އެ ވަފްދުގައި ފިލްމް ޕްރޮޑިއުސަރުންނާއި އެކްޓަރުން ހިމެނެއެވެ. އޭގެ ތެރޭގައި އަޖޭ ދޭވްގަން، އަކްޝޭ ކުމާރް އަދި ކަރަން ޖޯހަރް ފަދަ ތަރިން ހިމެނެއެވެ. އަންގާރަ ދުވަހު މި ބައްދަލުވުން ބާއްވާފައިވަނީ މަހާރަޝްތްރާ، މުމްބާއީގައި ހުންނަ ރާޖް ބަވަންގައެވެ. އެ ބައްދަލުވުމުގައި އިންޑިއާގެ ފިލްމު އިންޑަސްޓްރީއަށް ދިމާވެފައިވާ ދަތިތަކާއިބެހޭ ގޮތުން ވަނީ މަޝްވަރާ ކުރެވިފައެވެ.
އެ ވަފްދުގައި ފިލްމް ޕްރޮޑިއުސަރުން ކަމަށްވާ ރިތޭޝް ސިދްވާނީ، ސިއްދާތް ރޯއީ ކަޕޫރް، ފޮކްސް ސްޓާރ ސްޓޫޑިއޯސްގެ ވިޖޭ ސިންގް އަދި ސެންޓްރަލް ބޯޑް އޮފް ފިލްމް ސަޓިފިކޭޝަންގެ ޗެއާމަން ޕްރަސޫން ޖޯޝީ ވެސް ބައިވެރިވެފައިވެއެވެ.
މި ބައްދަލުވުމުގައި ރަނގަޅު ޚިޔާލުތަކެއް ވަނީ ބަދަލު ކުރެވިފައެވެ. އަދި މޯދީގެ ފަރާތުން ވަފްދު އެދުނު ކަންތަކަށް ރަނގަޅަށް ބައްލަަވާނެ ކަމުގެ ޔަގީންކަން ވެސް ވަނީ ދެއްވާފައެވެ.