މިއަދު ހަވީރު އިރު އޮއްސެން އުޅެނިކޮށް ހިތަދޫ ބޮޑު މަގުން ސިޓީ ސެންޓްރަލް އާއި ދިމާލުން ދެ ސައިކަލްޖެހި ހިނގި އެކްސިޑެންޓެއްގައި އަނިޔާވި އަންހެނަކު އިތުރު ފަރުވާއަށް މާލެ ފުރުވާލުމުގެ މަަސައްކަތް ކުރަމުން އެބަދެއެވެ.
އައްޑޫލައިވް އަށް އެގިފައިވާ ގޮތުގައި އެކްސިޑެންޓްގައި އަނިޔާވެ އިތުރު ފަރުވާއަށް ފުރުވާލަން މަަސައްކަތް ކުރަމުން އަންނަނީ ހިތަދޫ ވިލިނގިލީގެ، ހަދީޖާ މޫސާއެވެ.
މިހާދިސާ ހިނގާފައިވަނީ ބޮޑުމަގުގެ އުތުރުން ދެކުނަށް ހިތަދޫ، ރަޔާ، އާއިޝަތު ފަރީދާ ދުއްވާފައި އައި ސައިކަލް އަނބުރާލި ވަގުތު ފަހަތުން އައި ސައިކަލް ކޮންޓްރޯލް ނުވެ ގޮސް ޖެހިގެންނެވެ. މިއެކްސިޑެންޓްގައި އާސިޔަތު ދުއްވި ސައިކަލްގެ ފަހަތުގައި އިން ހަދީޖާ ވިއްސައިގެން ގޮސް ޖެހުނީ ތާރުގަނޑުގައިއެވެ.
މި ހާދިސާގައި ފަރީދާ އާއި ދެން ހުރި ސައިކަލް ދުއްވި މީހާއަށް ބޮޑު ގެއްލުމެއް ލިބިފައި ނުވެއެވެ.
އަނިޔާވި ހަދީޖާގެ އާއިލާ މީހަކު ބުނީ އޭނާ ހޮސްޕިޓަލަށް ގެންދެވުނު އިރު ފިޓް ޖެހިފައިވާ ކަމަށާއި އިތުރު ފަރުވާއަށް މާލެ ފުރުވުމުގެ މަަސައްކަތް މިހާރު ކުރަމުން އަންނަ ކަމަށެވެ.