އައްޑޫ ސިޓީ ފޭދޫ ޒުވާނުން އިންތިޒާމްކޮށްގެން ކުރިޔަށް ގެންދާ "ޖޯލިއަންސް މިކްސް ވޮލީބޯލް ޓޯނަމަންޓް" މިމަހުގެ 20 ވަނަ ދުވަހު ފަށައިފިއެވެ.
ޖުމްލަ 6 ޓީމް ކުޅޭ މި މުބާރާތުގެ މެޗްތައް ކުރިޔަށް ދަނީ ފޭދޫ ވޮލީބޯޅަ ކޯޓުގައެވެ.
މި މުބާރާތުގެ ފުރަތަމަ މެޗްގައި މިމަހު 20 ވަނަ ދުވަހުގެ ރޭ ބައްދަލުކޮށްފައި ވަނީ ޓީމް ލިޓަސް އަދި ޓީމް ޗެލެންޖާސްއެވެ. މި މެޗް 2-3 ގެ ނަތީޖާއަކުން ކާމިޔާބު ކޮށްފައިވަނީ ޓީމް ލިޓަސް އެވެ.
މިމެޗްގެ ޝަރަފްވެރިކޮށް ދެއްވީ އައްޑޫ ސިޓީ ކައުންސިލް މެމްބަރު ޢަލީ ފަހްމީ އަޙްމަދު އަދި ހެޕީ މާކެޓްގެ މެނޭޖަރު މުހައްމަދު ސާލިފް ނަސީރެެވެ.
މި މެޗްގައި 2 ޓީމުން ވެސް ވަނީ މޮޅު ކޮޅުމެއް ދައްކާފައެވެ.
މި މެޗްގެ އެންމެ މޮޅު ފިރިހެން ކުޅުންތެރިއަކަށް ހޮވިފައިވަނީ ޓީމް ލިޓަސްގެ އަޙްމަދު ލުތުފީއެވެ. އަދި އެންމެ މޮޅު އަންހެން ކުޅުންތެރިއަކަށް ހޮވިފައިވަނީ ޓީމް ޗެލެންޖާސްގެ އައިޝަތު ޝިފްނާއެވެ.