"ޖޯލިއަންސް މިކްސް ވޮލީބޯލް ޓޯނަމަންޓް" ގެ ދެވަނަ މެޗް ޓީމް ގަރާޖް ކާމިޔާބުކޮށްފިއެވެ.
ޓީމް ގަރާޖް މި މެޗް ކާމިޔާބު ކޮށްފައިވަނީ ޓީމް އެވަގްރީން އާއި ބައްދަލުކޮށް 0-3 ސެޓުންނެވެ.
ފޭދޫ ވޮލީބޯލް ކޯޓުގައި ކުރިޔަށްދާ މި މުބާރާތުގެ ދެވަނަ މެޗް ޝަރަފްވެރިކޮށް ދެއްވާފައިވަނީ އެއިމްސް ކްލިނިކްގެ މެނޭޖަރ ހަސަން ޝަހީމް އަދި ވިމެންސް ޑިވެލޮޕްމަންޓް ކޯޕަރޭޝަންގެ ރައީސާ އައިޝަތު ނަދާއެވެ.
މި މެޗްގައި ޓީމް ގަރާޖުން ވަނީ ހުނަރުވެރި މޮޅު ކުޅުމެއް ދައްކާފައެވެ. މި މެޗްގެ އެންމެ މޮޅު ފިރިހެން ކުޅުންތެރިއަކަށް ހޮވިފައިވަނީ ޓީމް ގަރާޖުގެ އަލީ މޫނިސްއެވެ.
މިމެޗްގެ އެންމެ މޮޅު އަންހެން ކުޅުންތެރިއަކަށް ހޮވިފައިވަނީ ޓީމް ގަރާޖްގެ އާމިނަތު ސަމާއެވެ.
