ޕައިރޭޓްސް އޮފް ދަ ކެރީބިއަންސްގެ މިފަހަރުގެ ސިލްސިލާއިން ޖޯނީ ޑެޕް ނުފެންނާނެ ކަމަށް އިއުލާން ކޮށްފިއެވެ.
ފާއިތުވެދިޔަ 14 އަހަރުގެ ތެރޭގައި މިސިލްސިލާގެ 5 ފިލްމު ނެރެފައިވާއިރު، މިއިން ކޮންމެ ފިލްމެއްގައި ޑެޕް ވަނީ "ކެޕްޓަން ޖެކް ސްޕެރޯ"ގެ ރޯލު އަދާ ކޮށްފައެވެ. ނަމަވެސް މަޝްހޫރު ފިލްމު "ޑެޑްޕޫލް"ގެ ލިޔުންތެރިންކަމަށްވާ ޕޯލް ވާނިކް އަދި ރެޓް ރީސް ލިޔެފައިވާ މިފިލްމުގައި ޑެޕް ފެނިގެން ނުދާނެއެވެ.
މިބޮޑު ބަދަލު ފިލްމަށް ގެނެސްފައިވަނީ ޑިޒްނީގެ ފިލްމު ޗީފް ޝޯން ބެއިލީއެވެ.
"ޕައިރޭޓްސް"ގެ ފުރަތަމަ ފިލްމު "ދަ ކާރސް އޮފް ދަ ބްލެކް ޕާލް" ނެރެފައިވަނީ 2003ގަ އެވެ. އަދި އެންމެ ފަހުން ނެރެފައިވާ ފިލްމަކީ "ޑެޑް މެން ޓެލް ނޯ ޓޭލްސް"އެވެ. މިފިލްމު ނެރެފައިވަނީ 2015ގަ އެވެ.
ޕައިރޭޓްސްގެ އާސިލްސިލާ ނެރޭނެ ދުވަސް އަދި އިއުލާން ކޮށްފައިނުވި ނަމަވެސް ގިނައަދަދެއްގެ ބެލުންތެރިން ދަނީ މިފިލްމަށް އިންތިޒާރު ކުރަމުންނެވެ.