އައްޑޫގެ ގުޅިފައިވާ ރަށްތަކުން މިނަރަލް ވޯޓަރ 500 އެމްއެލް ކުދި ފުޅި ހުސްވެއްޖެ އެވެ.
އާންމުކޮށް އެންމެ ގިނައިން ބޭނުން ކުރާ ފެން ހުސްވެފައިވާތާ ދުވަސް ކޮޅެއް ވެފައިވާ އިރު ހޮޓާ ރެސްޓޯރެންޓް ހިންގާ ފަރާތްތަކަށް ކުދި ފެން ފުޅި ނެތުމުގެ އުނދަގޫވަނީ ބޮޑުވެފަ އެވެ. އެގޮތުން ހޮޓާ ރެސްޓޯރެންޓް ތަންތަނުން މިހާރު މުޅިން ގެންގުޅެނީ 1.5 ލީޓަރުގެ ފެން ފުޅި އެވެ.
ނަމަވެސް އެންމެ މީހަކަށް މިއިން ފެންފުޅިއެއް ހުސްނުވާ އިރު އެއިގެ ފެންފުޅިއެއް މިހާރު ވިއްކަނީ 13ރ. އަށެވެ.
އައްޑޫން ކުދި ފެން ފުޅި ހުސްވުމާ ގުޅިގެން ހޮޓާ ރެސްޓޯރެންޓް ހިންގާ ބައެއް ފަރާތްތަކުން ހުސް ކުދި ފުޅި އަށް ފެން އަޅައިގެން ވެސް ބޭނުން އެބަ ކުރެ އެވެ.
މި ދުވަސްވަރަކީ އައްޑު އަށް ހޫނު ދުވަސް ވަރަކަށްވެފައި ޑިމާންޑާ އެއްވަރަށް ފެން ސަޕްލައި ނުވާ އިރު މި ފަހަކަށް އައިސް އައްޑޫގައި ސިޔާސީ ޕަޓީތަކުގެ ހަރަކާތްތައް ގިނަވެ އެ ތަންތަންތަނަށް ވަނީ ގިނަ އަދަދެއްގެ ފެން ނަގާފަ އެވެ.