މަޝްހޫރު ސައުތު އިންޑިއަން ފިލްމެއް ކަމަށްވާ "އަރްޖުން ރެއްޑީ" ގެ ރީމޭކްއެއް ކަމަށްވާ ފިލްމް "ކަބީރު ސިންގް" ގެ ދެ ތަރިން ކަމަށްވާ ޝާހިދު ކަޕޫރު އަދި ޓީނާ ސިންގް އެ ފިލްމުގެ ޝޫޓިންގ ނިންމާލައިފިއެވެ.
މި ފިލްމުގެ ޝޫޓީންގ ނިންމާލުމަށްފަހު ޓީނާ ވަނީ ޝާހިދު ކަޕޫރު އާއިއެކު ރަނގަޅު ހިތްހަމަޖެހޭ ވަގުތުތަކެއް ހޭދަކުރެވިފައިވާ ކަމަށް ބުނެފައެވެ.
މި ފިލްމްގެ ޑައިރެކްޓަރަކީ އޮރިޖިނަލް ފިލްމްގެ ވެސް ޑައިރެކްޓަރު ކަމަށްވާ ސަންދީޕް ވަންގާއެވެ. ސްޓޭޓްމަންޓެއްގައި ޓީނާ ބުނެފައިވަނީ ރަނގަޅު ވަގުތު ތަކެއް ޝާހިދުއާއެކު ހޭދަކޮށްލެވުނު ކަމަށެވެ. އަދި ޑައިރެކްޓަރު އޭނާއަށް އޮރިޖިނަލް ފިލްމް ދައްކާފައިވާ ކަމަށާއި އެހެން ނަމަވެސް މި ފިލްމުގައި އޭނާގެ އަމިއްލަ ގޮތްތައް ބޭނުން ކުރުމުގެ އިޚްތިޔާރު އޭނާއަށް ޑައިރެކްޓަރު ދިން ކަމަށް ވެސް ޓީނާ ބުނެފައިވެއެވެ.
ޓީނާ ސިންގް ވަނީ 2016 ވަނަ އަހަރު "ނާމް ހޭ އަކީރާ" އަދި "ފިތޫރް" ފަދަ ފިލްމްތަކުން ފެނިގެން ގޮސްފައެވެ.