މަރުވެފައި އޮތް މީހެއްގެ ހަށިގަނޑު ހދ ނައިވާދޫއަށް ލައްގައިފި

މަރުވެފައި އޮތް މީހެއްގެ ހަށިގަނޑު ހދ ނައިވާދޫއަށް ލައްގައިފިއެވެ.

އެރަށުގެ ކައުންސިލްގެ ރައީސް އަހުމަދު ފާއިޒުއާއި ހަވާލާދެއްވާ ރާއްޖެއެމްވީ އިން ރިޕޯޓްކޮށްފައިވާ ގޮތުގައި 11:30 ހާއިރު އެރަށުގެ ގޮނޑުދޮށުން
އިންސާނެއްގެ ހަށިގަނޑެއް ވަނީ ފެނިފައެވެ. އަދި ކާކުކަން ނޭނގޭ ވަރަށް ހަށިގަނޑު ހަލާކުވެފައިވާ ކަމަށާއި، ލަފާ ކުރެވެނީ އަންހެނެއްގެ ހަށިގަނޑާ ކަމަށް ވެސް ފާއިޒް ވިދާޅުވި ކަމަށް އެ ނޫހުން ރިޕޯޓްކޮށްޕައިވެއެވެ.

ހަށިގަނޑު ލައްގާފައި އޮތީ އެރަށުގެ އިރުމަތީ ފަރާތުގެ ބޯޓް ޔާޑް ސަރަހައްދުގައި ކަމަށް މައުލޫމާތު ލިބެއެވެ.

ނައިވާދޫއަށް މަރުވެފައިވާ މީހެއްގެ ހަށިގަނޑު ލެއްގިކަން ރިޕޯޓް ކޮށްފައި ވަނީ މިއަދު މެންދުރު 12:00 އެހާއިރު ކަމަށް ފުލުުހުން ބުނެއެވެ. އަދި މިކަން ތަހުގީގު ކުރުމަށް ފުލުހުންގެ ޓީމެއް އެެރަށަށް ގޮސް މިހާރު އެރަށުގައި ދަނީ ހަރަކާތްތެރި ވަމުންނެވެ.