* ރޯޒީ އެވެ. އަހަރެންނަކި ވަރަށް ނަސީބު ދެރަ އަންހެން ކުއްޖަކީމެވެ. އަހަރެންގެ ފިރިމީހާ އަހަރެންނާ ކައިވެނި ކުރީ މައިންބަފައިންގެ އެދުމުގެ މަތިންނެވެ. މިއަދާ ހަމައަށް ވެސް އަންބެއްގެ މަގާމު އޭނާ އަހަރެންނަށް ނުދެ އެވެ. އޭނާގެ މަންމައަކީ ހިތުގެ ބަލި މީހެކެވެ. ވުމާއެކު އެ މީހުންގެ ކުރިމަތީގަ އާއި އަހަރެންގެ އާއިލާ ކުރިމަތީ ރަނގަޅު ޑްރާމާއެއްހެން އޭނާ އަހަރެންނާ އެކު އުޅެ އެވެ.
ރޯޒީ އެވެ. ކޮޓަރި އަށް ވަނުމާއެކު އަހަރެން ދެ މީހުން ވަނީ ބީރައްޓެހިންނަށެވެ. އަހަރެން މިހާލުގަ އުޅޭތާ ހަ މަސް ދުވަސް ވެއްޖެ އެވެ. އަހަރެންނަކީ ކަޅު ކުއްޖެކެވެ. ފެށަން ކުއްޖެއް ނޫނެވެ. އޭނާ އަހަރެންނާ ދުރުވާ ފުރަތަމަ ސަބަބަކީ މިއީ ކަމުގައި އޭނާ ބުނެ އެވެ. ރޯޒީ މިކަމުގައި އަހަންނަށް އެހީއެއް ވެދޭށެެވެ. (މާނާ)
* ރޯޒީގެ ޖަވާބު: މާނާ އެވެ. މާނާގެ ސިޓި ކިޔާފައި ވަރަށް ދެރަވި އެވެ. އަދި ހަމަ އެވަރަށް ހަމްދަރުދީވެއެވެ. އެންމެ ފުރަތަމަ މާނާ ކުރަން ޖެހޭ ކަމަކީ މާނާ ތީ ކަޅު ކުއްޖެކޭ ހީ ނުކުރުމެވެ. މާނާ އެވެ. އަންހެން ކުދިންގެ ރީތި ކަމަކީ އެ ކުދިންގެ ލަދުވެތި ކަމުގެ ގަހަނާ އެވެ.
ތެދެކެވެ ސޮސައިޓީގެ ފެށަންތަކާ އެކު ބައެއް ފަހަރު މީހާގެ ސްޓައިލް ބަދަލުކޮށްލަން ޖެހިދެ އެވެ. މާނާ އަށް ހެދުން ފަހަން އެންމެ ރަމގަޅު ކުލައަކީ މަޑު ޕީޗް ކުލައަށް ހަދާށެވެ. އަދި ކަޅު ކުލަ އެއްވެސް ގޮތަކަށް ބޭނުން ނުކުރާށެވެ. ކޮންމެވެސް ވަރަކަށް ފިރިމީހާޔާ ކުރިމަތި ލުމުގެ ކަންތަށް ބަދަލު ކުރާށެވެ.
އޭނާއަށް ތިއީ އޭނާގެ އަނބިމީހާކަން ހަނދާންކޮށް ދޭށެވެ. ލޯބިވުމުގެ އަދާތަށް ގެންގުޅޭށެވެ. އަބަދުވެސް ރީތިވެލައިގެން ފިރިމީހާ އާ ކައިރިވާށެވެ. މީރު ވަސް ދުވާ ސެންޓް ބޭނުން ކުރާށެވެ. ކޮޓަރި ތެރޭގެ ތަރުތީބު އާ ގޮތަކަށް ބަދަލުކޮށްލާށެވެ. ވާހަކަ ދެއްކުމުގަ އިވެސް ފިރިމީހާ އަށް އެނގޭ ގޮތަށް ބަދަލު ގެންނާށެވެ.
ދޭތެރެއަކުން އެސްއެމްއެސް ވެސް ކުރާށެވެ. އަދި މީރު ރަހަތަކުން މާނާގެ ބަދިގެ ފުރާލާށެވެ. އިސާހިތަކު ފިރިމީހާ ދީވާނާއެއްހެން މާނާގެ ފަހަތުން އެނބުރޭތަން ފެންނާނެ އެވެ.
މާނާއެވެ. ދިރިއުޅުމުގެ ކޮންމެ ކަމަކީ ހަނގުރާމައެކެވެ. މި ހަނގުރާމައިން ވާގި ހޯދުމަށް ﷲ ގެ މަދަދު އެދޭށެވެ. ދުޢާ ކުރާށެވެ. ނަމާދު ކުރާށެވެ. އިސާހިތަކު ﷲ މާނާ އަށް އުފާވެރިކަން ދެއްވާނެ އެވެ. ރޯޒީ ގެ އެހީއަށް އެދުނީތީ ޝުކުރު ވެރިވަމެވެ. މާނާގެ ހަޔާތަށް ބަހާރު މޫސުމް އާދޭތޯ ރޯޒީ ވެސް ދުޢާ ކުރާނެމެވެ.