އެމްޑީޕީ އާ އިދިކޮޅު މަދު ބަޔަކު ކިތަންމެ ރުޅި އަޔަސް ކުރީގެ ރައީސް އަދި އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދު (އަންނި) މި އަހަރު ބާއްވާ ރިޔާސީ އިންތިހާބުގައި އައްޑޫން 80 ޕަސެންޓް ލިބޭނެ ކަމަށް އެމްޑީޕީގެ އައްޑޫ ސެކްރެޓަރީ ޖެނެރަލް އިބްރާހީމް ސޮބްރީ ވިދާޅުވެއްޖެ އެވެ.
ނަޝީދުގެ ވެރިކަމުގައި ސަދަން ހެލްތު ސާވިސަސް ކޯޕަރޭޝަން (އެސްްއެޗްއެސްސީ) ގެ ޑިރެކްޓަރުގެ މަގާމު އަދާ ކުރެއްވި ސޮބްރީ އޭނާގެ އެފްބީ ޕޭޖުގައި ބުނެފައި ވަނީ އައްޑޫ ސިޓީއަކަށް ހަދައި އައްޑޫގައި އެކިއެކި ވަސީލަތްތައް ގާއިމު ކުރީ އަންނި ކަމަށެވެ.
"ރައީސް މުހައްމަދު ވަހީދު އައްޑު އަށް އަންނަނީ އުނގު ވިޔަފާރި ކުރަން. އައްޑު ސިޓީއަކަށް ހެދީ އަންނި. އައްޑޫ ސިޓީ އަށް ނަރުދަމާއި އާއި ފެނުގެ ނިޒާމް ގާއިމުކޮށް ދޭން މަސައްްކަތް ކުރީ އަންނި. ދަރުބާރުގޭ (އިކްޓޯރިއަލް ކޮންވެންޝަން ސެންޓަރު) އެޅި އަންނި. އައްޑޫ ސިޓީ އެއާޕޯޓް ބޮޑު ކުރާށާއި އިންޓަނެޝަނަލް ކުރުމުގެ ފިކުރު ގެންގުޅުނީ އަންނި. އައްޑޫ ސިޓީގައި ލޯކަލް ޓޫރިޒަމް ތައާރަފް ކުރުމުގެ ވިސްނުން ގެންގުޅުނީ އަންނި. އައްޑޫ ސިޓީގެ ގުޅިފައިވާ ބޮޑެތި މަގުތަކުގައި ތާރު އަޅައި ފައިވާނުގައި ހުރި ޗަކަ ފިލުވައި ދޭން މަސައްކަތް ކުރީ އަަންނި. އައްޑޫގައި ތިބި އެކަނިވެރި މައިންނަށް ހަމަޖެހޭ ދިރިއުޅުމެއް ހޯދައި ދިނީ އަންނި. އައްޑޫ ސިޓީގައި ބޭސް ނުވެގެން އެއްލާލާފައި ތިބި އެންމެންނަށް ބޭސް ކުރެވޭ ގޮތަށް އައިޑީ ހަދައި ދިނީ އަންނި. އައްޑޫ ސިޓީގެ ބަނދަރުތައް ރަނގަޅު ފެންވަރަކަށް ހަދައި ދޭން ފެށީ އަންނި. އައްޑޫގައި ތިބެގެން އައްޑޫ ރައްޔިތުންނަށް ވަޒީފާ އަށް ދެވޭނެ ގޮތް ހަދައި ދޭން މަސައްކަތް ކުރީ އަންނި،" ސޮބްރީގެ އެފްބީ ސްޓޭޓަސްގައިވެ އެވެ. "ގާތުން އައްޑޫ ރައްޔިތުންގެ ހާލު ބެލީ އަންނި. ހަމަ އިދިކޮޅު މަދު ބަޔަކު ރުޅި އަޔަސް އައްޑޫ ސިޓީން 80 ޕަސެންޓް އަންނި އަށް ލިބޭނެ. އެމްޑީޕީ ވަރެއް ނެތް އައްޑޫ ސިޓިއަކު."