މޯލްޑިވްސް އިންޓެގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަން ލިމިޓެޑް (އެމްއައިޓީޑީސީ)ގެ މެެނޭޖިންގ ޑިރެކްޓަރުގެ މަޤާމަށް އަލަށް އައްޔަންކުރެއްވި މުހައްމަދު ރާއިދު އާއި، މިނިސްޓަރ އޮފް ޓޫރިޒަމް އަލީ ވަހީދު އާއި ބައްދަލުކުރައްވައިފި އެވެ.
މި ބައްދަލުވުން އޮތީ މިއަދު ޓޫރިޒަމް މިނިސްޓްރީގައެވެ. މިނިސްޓަރ އަލީ ވަހީދު ވަނީ އެމްއައިޓީޑީސީގެ އެމްޑީ ރާއިދުގެ އިތުރުން އެ ކުންފުނީގެ ސްޓާފުންނާއި ވެސް މިއަދު ބައްދަލުކުރައްވައިފަ އެވެ. ނަމަވެސް، މި ބައްދަލުވުމާއި ގުޅޭ އިތުރު އެއްވެސް ތަފްސީލެއް އެއްވެސް ފަރާތަކުން ހާމަކުރައްވާފައެއް ނުވެއެވެ.
އެމްއައިޓީޑީސީގެ އެމްޑީގެ މަޤާމަށް ރާއިދު އައްޔަންކުރެއްވީ އިއްޔެ އެވެ.
އެމްއައިޓީޑީސީ އަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި އިންޓެގްރޭޓެޑް ޓޫރިޒަމް މަޝްރޫޢުތައް ހިންގުމަށް އުފެއްދެވި ކުންފުންޏެކެވެ.