ސ. ހިތަދޫ ބޮޑު މަގުގައި "3 އެސް" އިން އަލަށް ހަދަމުން އަންނަ "3 އެސް މާޓް" ފިހާރައިގެ ބިއްލޫރި ރޭ ބަޔަކު ތަޅާލައިފި އެވެ.
އެ ފިހާރައިގެ ވެރިޔާ ހުސެއިން ރަޝީދު މިއަދު ވިދާޅުވީ ރޭ ދަނަވްރުގެ ވަގުތެއްގައި ފިހާރައިގެ ތިން ބިއްލޫރި ގަނޑު ތަޅާލާފައިވާ ކަމަށެވެ.
"ނޭނގޭ މީ ކޮން ބަޔަކު ކުރި އަނިޔާއެއް ކަމަށް. އަޅުގަނޑާ ދެކޮޅު ބަޔަކު ހިތަދޫގައެއް ނުތިބޭ. އެހެންވެ ނޭނގޭ މީކޮ ން ބަޔަކު ކުރި ކަމެއް ކަމަށް،" ހުސެއިން ވިދާޅުވި އެވެ.
އަންނަ މަހު ފަހުކޮޅު ހުޅުވުމަށް ތައްޔާރުވަމުން އަންނަ ފިހާރައިގެ ބިއްލޫރި ތަޅާލުމާއި ގުޅިގެން އާ ބިއްލޫރި އެރުވުމުގެ މަސައްކަތް ކުރަމުން އަންނަ ކަމަށް ހުސެއިން ވިދާޅުވި އެވެ.
ހިތަދޫގައި "3 އެސް" އިން ހަދާ ފިހާރައަކީ ހުސެއިންގެ ދެވަނަ ފިހާރައެވެ. އެގޮތުން ފޭދޫ ބަނދަރު މަތީގައި ހުންނަ "3 އެސް ސްޕަމާޓް" އަކީ އާންމުންގެ ވަރަށް ބޮޑު ތަރުހީބެއް ލިބެމުން އަންނަ ފިހާރައެކެެވެ.