ކުރިއަށް އޮތް ރައްޔިތުންގެ މަޖިލިސް އިންތިޚާބުގައި އަދާލަތު ޕާޓީގެ ޓިކެޓުގައި ވާދަކުރައްވަން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
އަދާލަތު ޕާޓީން ކުރިންވެސް އިއުލާންކޮށްފައިވާ ގޮތަށް ވާދަކުރަން ނިންމާފައިވަނީ 13 ދާއިރާއަކަށެވެ. އެ ދާއިރާތަކަކީ:
-ކެލާ ދާއިރާ
-ވައިކަރަދޫ ދާއިރާ
-ހަނިމާދޫ ދާއިރާ
-މަކުނުދޫ ދާއިރާ
-އިނގުރައިދޫ ދާއިރާ
-ކާށިދޫ ދާއިރާ
-މަހިބަދޫ ދާއިރާ
-މުލަކު ދާއިރާ
-ނިލަންދޫ ދާއިރާ
-ގަމު ދާއިރާ
-ފުވައްމުލަކު ދެކުނު ދާއިރާ
-ފޭދޫ ދާއިރާ
އަދާލަތު ޕާޓީން ބުނެފައިވަނީ ކޯލިޝަން ބައްދަލުވުންތަކުގައި ކުރިން ވެސް އެޕާޓީން ބޭނުންވަނީ 13 ދާއިރާއަށް ވާދަކުރަން ކަމަށް ނިންމާފައިވާނެ ކަމަށެވެ.
ކޯލިޝަނުގައި ދެން ހިމެނޭ އެމްޑީޕީން 86 ދާއިރާއަކަށް ވާދަކުރާއިރު ޖުމުހޫރީ ޕާޓީން ވަނީ ހުރިހާ ދާއިރާއަކަށް ވާދަކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާފައެވެ. ނަމަވެސް އަދިވެސް، އެ ޕާޓީން ހުރިހާ ދާއިރާއަކަށް ވާދަކުރާނެ ކަން އިއުލާން ކޮށްފައެއް ނުވެއެވެ.
ކުރީގެ ރައީސް މައުމޫންގެ ތާއީދާއެކު މަޖިލީހަށް ކުރިމަތިލުމަށް ބޭނުންވާ މެމްބަރުންނަށް އެ ފުރުސަތު އެމްއާރްއެމުން ވެސް ވަނީ ހުޅުވާލާފައެވެ.
އިދިކޮޅު ޕީޕީއެމުން، ޓިކެޓު ދިނުމަށް ފަހު ޔާމީން ވަނީ އާ ޕާޓީއެއް ހައްދަވާފައެވެ. އެ ޕާޓީ އުފެއްދުމުގެ މަސައްކަތް ޕީޕީއެމްގައި އިސްކޮށް ތިއްބެވި ބޭފުޅުން އަންނަނީ ކުރަމުންނެވެ.