ފ. ނިލަންދޫގައި ހުންނަ، ފ.އަތޮޅު ހޮސްޕިޓަލުގައި ފަރުވާދެމުންދިޔަ ހާލުބޮޑު ބަލި މީހަކު އެމްއެންޑީއެފް ހެލިކޮޕްޓަރުގައި މިއަދު މާލެ ގެނެސްދީފިއެވެ.
އެމްއެންޑީއެފް އިން ބުނީ މިއަދު ހެނދުނު 09:40 ހާއިރު މާލެ ގެނެސްދީފައިވަނީ އުމުރުން 73 އަހަރުގެ ފިރިހެނަކު ކަމަށާއި، އެ މީހާ މާލެ ގެނެސްދީފައިވަނީ ސިއްޙީ އިތުރު އަވަސް ފަރުވާއަށް މާލެ ގެންދިއުމަށް ފ.އަތޮޅު ހޮސްޕިޓަލުން މި މީހާ ބެއްލެވި ޑޮކްޓަރުން ލަފާ ދެއްވުމުން ކަމަށެވެ.
މި މީހާ މިހާރު ވަނީ އައިޖީއެމް ހޮސްޕިޓަލަށް ގެންގޮސްދީފައެވެ.
އެމްއެންޑީއެފް ހެލިކޮޕްޓަރުތަކުގައި ހާލުބޮޑު ބަލި މީހުންނަށް އެހީތެރިކަން ފޯރުކޮށްދޭން ފަށާފައިވާއިރު، އެ ހެލިކޮޕްޓަރުތައް އަނބުރާ ފޮނުވާލާނެ ވެރިޔަކީ އޭނާ ކަމަށް ކުރީގެ ހޯމް މިނިސްޓަރ އުމަރު ނަސީރު ވަނީ ވިދާޅުވެފަ އެވެ.