ބަންގްލަދޭޝްގެ ބޮޑުވަޒީރުގެ މަގާމަށް ޑިސެމްބަރު މަހު ބޭއްވި އިންތިޚާބަށް ފަހު އަނެއްކާވެސް އިންތިޚާބުވި ޝެއިޚް ހަސީނާއަށް ދިވެހި ސަރުކާރުން ރަސްމީ ގޮތުން މަރުހަބާ ދަންނަވައިފިއެވެ.
ދިވެހި ސަރުކާރު އަދި ރައީސް އިބޫ ސޯލިހްގެ ފަރާތްޕުޅުން ރާއްޖެއިން ބަންގާޅަށް ކަނޑައަޅުއްވާފައި ހުންނަވާ ސަފީރު އައިޝަތު ޝާން ވަނީ ބައްދަލުކުރައްވައި ދިވެހި ސަރުކާރުގެ ފަރާތުން އެކަމަނާ ހޯއްދެވި ކާމިޔާބީއަށް މަރުހަބާ ދަންނަވާފައެވެ.
Ambassador Shaan met with Hon'ble PM Sheikh Hasina and conveyed sincere congratulations from President Solih and the Government of #Maldives on her re-election as Prime Minister of #Bangladesh @MDVForeign @ibusolih pic.twitter.com/0Q1dv0WR7l
— Maldives in Bangladesh (@MDVinBGD) January 13, 2019
ޑިސެމްބަރު މަހު ބަންގްލަދޭޝްގައި ބޭއްވި އާންމު އިންތިޚާބު ޝެއިޚް ހަސީނާއާއި ކޯލިޝަން ޕާޓީ ކާމިޔާބުކޮށްފައިވަނީ %95 ގޮނޑި ކާމިޔާބުކޮށްގެނެވެ. ނަމަވެސް އިދިކޮޅު ކޯލިޝަނުން ބުނެފައިވަނީ، ވޯޓުލާން ހުޅުވާލިއިރު ވެސް ވޯޓު ފޮށިތައް ވަނީ (ވަގު) ވޯޓުން ފުރާލާފައި ކަމަށެވެ.
ސަރުކާރުން ވަނީ އިދިކޮޅު ފަރާތްތަކަށް ސިޔާސީ ހަރަކާތްތައް ބޭއްވުމަށް ހުރަސް އަޅައި ކެމްޕޭނު ކުރުމަށް ވެސް ހުރަސް އަޅާފައެވެ. އަދި އިދިކޮޅު އެއްވުންތަކުގައި ގިނަ ބަޔަކު ހައްޔަރުކޮށް ޖަލަށް ލައި ސިފައިންނާ ދެމެދު ކުރިމަތިލުންތައް ވެސް ހިނގާދިޔައެވެ.