ހެލްތު މިނިސްޓަރ ޢަބްދުﷲ އަމީން އެމްއެންޑީއެފް ސެނަހިޔާ އަށް ޒިޔާރަތް ކުރައްވައި، ސެނަހިޔާގެ އިސްވެރިންނާއި ބައްދަލުކުރައްވަފިއެވެ.
މިނިސްޓަރ އަމީން ސެނަހިޔާއަށް ވަޑައިގަތުމުން މަރުހަބާ ދެންނެވީ ވައިސް ޗީފް އޮފް ޑިފެންސް ފޯސް ބަރިގޭޑިއަރ ޖެނެރަލް ޢަބްދުއްރަހީމް ޢަބްދުއްލަތީފާއި ސެނަހިޔަގެ ކޮމާންޑިންގ އޮފިސަރ ކާނަލް ޑރ.ޢަލީ ޝާހިދު މުޙައްމަދެވެ.
މިއަދު ހެނދުނު ހެލްތު މިނިސްޓަރު ސެނަހިޔާއަށް ކުރެއްވި މިިޒިޔާރަތުގައި ސެނަހިޔާއިން ދެމުންގެންދާ އެކިއެކި ޚިދުމަތްތައް ބައްލަވާލައްވައި މަޢުލޫމާތު ވަނީ އޮޅުން ފިލުއްވާފައެވެ. އަދި ސެނަހިޔާގެ އިސް ވެރިންނާއެކު ބޭއްވެވި ބައްދަލުކުރެއްވެވުމުގައި ސެނަހިޔަ އިން ދެމުންގެންދާ ޚިދުމަތްތަކާއި ގުޅޭގޮތުން ވަނީ ޕްރެޒެންޓޭޝަނެއް ހުށަހަޅައިދީފައެވެ.
މި ޒިޔާރަތުގައި މެހުމާނުން ސޮއިކުރައްވާ ފޮތުގައި މިނިސްޓަރ ވަނީ ސޮއި ކުރައްވާފައެވެ.
މިނިސްޓަރ އަމީން ސެނަހިޔާ އަށް ކުރެއްވި މި ޒިޔާރަތުގައި އެމަނިކުފާނުގެ އަރިހުގައި ހެލްތު މިނިސްޓްރީގެ އިސްވެރިން ވަނީ ބައިވެރިވެވަޑައިގެންފައެވެ.