މަސްތުވާތަކެއްޗާއެކު ހުޅުމާލޭ ހޮސްޕިޓަލުގެ ޑްރައިވަރު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލާއި ހަވާލާދީ "ރާއްޖެއެމްވީ" އިން ރިޕޯޓްކުރާ ގޮތުގައި އެމީހާ ހައްޔަރުކޮށްފައި ވަނީ ޖެނުއަރީ 13 ވީ އާދިއްތަ ދުވަހުގެ ރޭ ކަމަށެވެ.
އަދި އޭނާ ބަލައި ފާސްކުރުމުން، މަސްތުވާތަކެތި ކަމަށް ބެލެވޭ ދެ ރަބަރު ޕެކެޓު އޭނާގެ ޖީބުން ފެނިފައިވާ ކަމަށްވެސް ފުލުހުން ބުނެއެވެ.
އެ މައްސަލަ ތަޙުޤީޤުކުރަމުން އަންނަ ކަމަށް ފުލުހުން ބުނެއެވެ.
މަސްތުވާތަކެއްޗާއި ދެކޮޅަށް ފުލުހުން ހިންގާ އޮޕަރޭޝަންތަކުގައި ގިނަ އަދަދެއްގެ މީހުން ވަނީ ހައްޔަރުކޮށްފަ އެވެ. އެގޮތުން މިދިޔަ ތިން އަހަރުތެރޭ 130 ކިލޯގެ މަސްތުވާތަކެތި އަތުލައިގެނެވިފައިވާ ކަމަށް އެކްޓިންގ ކޮމިޝަނަރ އޮފް ޕޮލިސް މުހައްމަދު ހަމީދު ވަނީ ވިދާޅުވެފަވެ.